“Li najt xteramil kab’l re Babel,” Eb’ li Esilal sa’ li Najter Chaq’rab’ (2022)
“Li najt xteramil kab’l re Babel,” Eb’ li Esilal sa’ li Najter Chaq’rab’
Li najt xteramil kab’l re Babel
Li kristiaan neke’xyal xyiib’ankil jun b’e toj sa’ choxa
Chirix li b’uut’iha’ li kristiaan ke’ok chixq’etb’aleb’ lix taqlahom li Dios. Ke’wan li ink’a’ ke’xpaab’ lix k’uub’anb’il na’leb’ li Dios. Chi maak’a’ xliceens li Dios, ke’ok chixkab’lankil jun najt xteramil kab’l re te’wulaq sa’ choxa. A’an jun b’alaq’il santil ochoch, li najt xteramil kab’l re Babel nayeeman re.
Moko sa ta xch’ool li Dios naq yookeb’ chixkab’lankil jun najt xteramil kab’l. A’an kixjal li raatinob’aaleb’ re naq ink’a’ te’xtaw ru li te’xye chirib’ileb’ rib’. Ink’a’ ke’xtaw ru li neke’xye chirib’ileb’ rib’, jo’kan naq kiraqe’ xkab’lankil li najt xteramil kab’l.
Li Dios kixjek’iheb’ li kristiaan ut kixtaqlaheb’ sa’ xkaaxukuutil li ruchich’och’.