“Li profeet aj Moises,” Eb’ li Esilal sa’ li Najter Chaq’rab’ (2022)
“Li profeet aj Moises,” Eb’ li Esilal sa’ li Najter Chaq’rab’
Exodo 2–3
Li profeet aj Moises
B’oqb’il chirach’ab’ankil lix tenamit li Qaawa’
Laj Moises kik’i jo’ ralal lix rab’in laj Farahon. Laj Moises kixk’e reetal naq eb’ laj Egipto ke’rahob’tesiheb’ laj Israelita. Kiraho’ xch’ool naq eb’ laj Egipto ke’xk’eheb’ laj Israelita sa’ moosil.
Sa’ jun li kutan, laj Moises kiril jun aj Egipto chixraplenkil jun aj Israelita. Re xkolb’al rix laj Israelita, laj Moises kixkamsi laj Egipto.
Naq laj Farahon kirab’i resil a’an, kiraj xkamsinkil laj Moises, a’b’an laj Moises ki’eelelik chaq sa’ Egipto.
Laj Moises kiwulak sa’ li tenamit Madian, b’ar wi’ kixnaw ru jun ixq, xSefora xk’ab’a’. Ke’sumla ut ke’wan xkok’al.
Naq wan aran Madian, laj Moises kiril jun li toon chi k’ix li naxamnak, a’ut ink’a’ nak’ate’ li toon chi k’ix xb’aan li xam. Li Qaawa’ kixk’utb’esi rib’ sa’ li xam ut kiraatina laj Moises.
Li Qaawa’ kixye naq naxnaw naq rahob’tesinb’ileb’ laj Israelita sa’ Egipto. Kixtaqla laj Moises chi sutq’iik aran Egipto ut chixyeeb’al re laj Farahon naq taarach’ab’eb’ laj Israelita. Li Qaawa’ kixye naq tixtenq’a laj Moises chirach’ab’ankileb’ laj Israelita ut chixk’amb’aleb’ xb’e sa’ jun yeechi’inb’il ch’och’.