“Li profeet aj Jeremias,” Eb’ li Esilal sa’ li Najter Chaq’rab’ (2022)
“Li profeet aj Jeremias,” Eb’ li Esilal sa’ li Najter Chaq’rab’
Li profeet aj Jeremias
B’oqb’il naq maji’ nayo’la
Laj Jeremias wan rochoch sa’ Jerusalen naq saaj chaq. Sa’ jun kutan li Qaawa’ kichal rik’in laj Jeremias ut kixb’oq choq’ profeet. Li Qaawa’ kixye re laj Jeremias naq kisik’e’ ru choq’ profeet naq maji’ nayo’la. Li Qaawa’ kixnaw naq ch’a’ajaq lix yu’am laj Jeremias. A’b’an kixyeechi’i re laj Jeremias naq junelik taawanq rik’in.
Eb’ li tenamit sa’ Jerusalen ink’a’ ke’xb’aanu li xyeechi’ihomeb’ re li Qaawa’. Xmaak lix maa’usilaleb’, laj Jeremias kixtijeb’ li tenamit ut kixye reheb’ naq jalan chik li tenamit te’numtaaq sa’ xb’eeneb’. Li Qaawa’ kixye naq wi te’roxloq’i li hilob’aal kutan, ink’a’ taasachmanq li tenamit Jerusalen. A’b’an moko ke’ab’in ta li tenamit.
Jeremias 6:1–19; 8–9; 17:21–27
Laj Jeremias kixtzoleb’ li tenamit chiru k’iila chihab’ A’b’an moko ke’xjal ta xk’a’uxl. Ke’xrahob’tesi b’an laj Jeremias ut ke’xtz’ap sa’ tz’alam.
Jeremias 20:2; 26:8–9; 37:15–18; 38:6
Laj Jeremias kixraheb’ li tenamit. Kiyaab’ak chirix xmaakeb’. Jo’ kixye, kisachman Jerusalen, ut ke’k’ame’ sa’ preexil li tenamit.
Jeremias 9:1–8; 25:9–12; 52:1–10
Kik’ame’ laj Jeremias toj sa’ Egipto. Li Qaawa’ kixye re naq tixtz’iib’a lix profeetil aatin. Laj Jeremias ki’ab’in chiru li Qaawa’ us ta ch’a’aj xyu’am. Toj kixjultika chiru lix tenamit naq te’xb’aanu li k’a’ru xyeechi’ihomeb’ re li Qaawa’.