“Li profeet aj Eliseo,” Eb’ li Esilal sa’ li Najter Chaq’rab’ (2022)
“Li profeet aj Eliseo,” Eb’ li Esilal sa’ li Najter Chaq’rab’
2 Reyes 2; 4
Li profeet aj Eliseo
Eb’ lix sachb’a-ch’oolej li Qaawa’
Rik’in li profeet aj Elias, li Qaawa’ kixkawresi laj Eliseo re taawulaq ajwi’ choq’ profeet. Toja’ naq li Qaawa’ kixxok laj Elias sa’ choxa.
Li Qaawa’ kixtenq’a laj Eliseo chixb’aanunkil k’iila sachb’a-ch’oolej. Laj Eliseo kirosob’tesi lix aseeyt jun li ixq neb’a’ re naq tixjunob’resi k’iila sek’. Toja’ naq li ixq kixk’ayi li aseeyt re xtojb’al lix k’as.
Sa’ jalan chik hoonal, jun ixq tiik xch’ool kik’anjelak chiru laj Eliseo rik’in chaab’ilal. Laj Eliseo kixpatz’ k’a’ru naru tixb’aanu re k’anjelak chiru a’an. A’an kiraj xk’uula’al. Laj Eliseo kirosob’tesi li ixq ut lix b’eelom re naq taayo’laaq li ralaleb’.
A’b’anan, chirix xnumik wiib’ oxib’ li chihab’, kiyajer ut kikam li ch’ina al. Li ixq kixsik’ laj Eliseo xb’aan naq naxpaab’ naq truuq tixkol lix yum. Laj Eliseo kik’ulun ut kirosob’tesi li ch’ina al, ut kiwan wi’chik xyu’am. Li Qaawa’ kixtenq’a laj Eliseo chixb’aanunkil k’iila sachb’a-ch’oolej. A’an jun xnimal ru xprofeet li Qaawa’.