“Li profeet aj Isaias,” Eb’ li Esilal sa’ li Najter Chaq’rab’ (2022)
“Li profeet aj Isaias,” Eb’ li Esilal sa’ li Najter Chaq’rab’
Isaias 6–7; 9; 53–54
Li profeet aj Isaias
Li profeetil aatin chirix li Qaawa’ Jesukristo
Ak ke’numtaak k’iila sut eb’ laj Israelita, ut li Qaawa’ kiraj xkolb’aleb’ rix. Jun kutan sa’ li santil ochoch, li Qaawa’ kixboq’ jun winq, aj Isaias xk’ab’a’, re tixtzoleb’ li tenamit chirix lix k’ulunik li Jesukristo. Laj Isaias kixraheb’ li tenamit ut kixk’ut chiruheb’ chan ru naq truuq te’kole’q xb’aan li Qaawa’.
Laj Isaias kixtzol naq li Jesukristo taachalq sa’ junaq kutan re tixkoleb’ lix tenamit chiru li maak. A’b’an, moko chixjunileb’ ta te’xk’e reetal naq a’an laj Kolol reheb’. Kiraho’ xch’ool laj Isaias xb’aan naq te’wanq naab’al li ink’a’ te’raj xpaab’ankil li Jesukristo.
A’b’an laj Isaias kixye ajwi’ profeetil aatin chirix li xkab’ xk’ulunik li Jesukristo. Li Jesukristo taasutq’iiq ut taawanq choq’ xrey chixjunil li ruchich’och’. Taasutq’iiq ut tixtz’aqob’resi ru lix k’uub’anb’il na’leb’ lix Yuwa’ naq tixk’am li chaab’ilal ut li tuqtuukilal chi junelik. Laj Isaias kixye naq chixjunil te’xnaw naq li Jesukristo a’an laj Kolol reheb’.