Laj Eliseo naxk’irtesi laj Nahaman

Jalam-uuch

yaj laj Nahaman sa’ li ch’aat

Jwal najt sa’ li tenamit Siria kiwan jun winq aj Nahaman xk’ab’a’. A’an jun xnimal ru aj taqlanel sa’ xb’een li teep aj pleet aj Siria. A’b’an kiwan xrahil yajel laj Nahaman, saqlep rix.

2 Reyes 5:1

Jalam-uuch

jun ixqa’al aj Israelita na’aatinak rik’in li rixaqil laj Nahaman

Lix moos li rixaqil laj Nahaman a’an jun ixqa’al aj Israelita. Li ixqa’al kiwan xpaab’aal chirix li Qaawa’. Kixye naq wi laj Nahaman truuq taarula’ani li profeet aj Eliseo, laj Nahaman taak’iraaq.

2 Reyes 5:2–4

Jalam-uuch

laj Nahaman nab’eek chixsik’b’al laj Eliseo

Najt kib’eek laj Nahaman re xtawb’al laj Eliseo. Laj Nahaman kixk’oxla naq taak’irtesiiq rik’in jun nimla sachb’a-ch’oolej.

2 Reyes 5:5–8

Jalam-uuch

laj Nahaman na’aatinak rik’in lix moos laj Eliseo

Laj Nahaman kiwulak sa’ rochoch laj Eliseo rochb’eeneb’ lix moos, lix kawaay, ut eb’ lix b’eleb’aal. Laj Eliseo kixtaqla lix moos re xch’olob’ankil lix na’leb’ li Qaawa’ chiru laj Nahaman. Li Qaawa’ tixk’irtesi laj Nahaman wi a’an taa’atinq wuqub’ sut sa’ li nima’ Jordan.

2 Reyes 5:9–10

Jalam-uuch

laj Nahaman nawech’ok chire li ha’

Kijosq’o’ laj Nahaman xb’aan naq kiraj naq lix profeet li Qaawa’ tolxk’irtesi sa’ junpaat. Laj Nahaman kixye naq li nima’ Jordan moko chaab’il ta jo’eb’ li ninqi nima’ aran Siria.

2 Reyes 5:11–12

Jalam-uuch

li moos na’aatinak rik’in laj Nahaman chire li ha’

A’b’an eb’ lix moos laj Nahaman ke’xpatz’ k’a’ut b’i’ naq laj Nahaman ink’a’ tixb’aanu li ch’ina b’aanuhom a’an. Us ta ink’a’ naxtaw ru laj Nahaman, a’an li kipatz’e’ re naq tixb’aanu xb’aan lix profeet li Dios.

2 Reyes 5:13

Jalam-uuch

k’irtesinb’il laj Nahaman sa’ li nima’ Jordan

Laj Nahaman kixtuulanob’resi rib’ ut kirab’i li ke’xye lix moos. Ki’atin wuqub’ sut sa’ li nima’ Jordan. Toja’ naq li Qaawa’ kixk’irtesi laj Nahaman, jo’ kixye laj Eliseo. Laj Nahaman kixnaw naq laj Eliseo a’an jun profeet ut naq tz’aqal yo’yo li Qaawa’.

2 Reyes 5:14–15