“Li xAgar,” Eb’ li Esilal sa’ li Najter Chaq’rab’ (2022)
“Li xAgar,” Eb’ li Esilal sa’ li Najter Chaq’rab’
Li xAgar
Li na’leb’ kixk’uub’ li Dios choq’ re lix rab’in
Li xAgar a’an xmoos li xSara. Li xSara tiix chik ut maak’a’eb’ xkok’al. A’an kixye re laj Abraham, lix b’eelom, naq taasumlaaq rik’in xAgar re naq te’wanq xkok’al. Ke’sumla laj Abraham ut xAgar, ut moqon kiwan sa’ yu’am li xAgar.
Li xAgar ut li xSara ke’ok chixwech’b’al rib’ chirib’il rib’. Li xAgar kixsik’ ru eelelik toj sa’ li chaqi ch’och’.
Naq yoo chi b’eek li xAgar, kilub’ ut kichaqik re. Kiwulak sa’ jun na’ajej wan wi’ li ha’ ut kihilan aran.
Li Qaawa’ naxnaw lix ch’a’ajkilal li xAgar ut kixk’uub’ jun na’leb’ re xtenq’ankil. Kixtaqla jun li anjel re xyeeb’al re naq taasutq’iiq rik’in laj Abraham ut li xSara. A’an kixyeechi’i naq taak’iiq lix junkab’al li xAgar. Kixye naq li k’uula’al a’anaq jun teelom ut naq laj Ismael tento tixk’a’b’a’i.
Li xAgar kixpaab’ li Qaawa’ ut ki’ab’in chiru li anjel. Kisutq’i rik’in laj Abraham ut li xSara. Kiyo’la lix yum li xAgar, ut laj Ismael kixk’e choq’ xk’ab’a’. Li xAgar kixnaw naq li Qaawa’ na’ilok re.