I gat tufala kaen man long heven we oli singaotem ol enjel: olgeta we oli ol spirit, mo olgeta we oli gat bodi blong mit mo bun. Ol enjel we oli ol spirit oli no kasem yet wan bodi blong mit mo bun, o, oli ol spirit we long wan taem, oli bin gat wan bodi we i save ded mo oli stap wet long laef bakegen long ded. Ol enjel we oli gat bodi blong mit mo bun, oli olgeta we oli laef bakegen long ded finis, mo olgeta we oli no testem ded.
I gat plante refrens long skripja we i tokbaot wok blong ol enjel. Samtaem, ol enjel oli toktok wetem wan voes blong tanda taem oli stap givimaot ol mesej blong God (Mos 27:11â16). Ol man blong wol we oli stret mo gud, oli save singaotem olgeta tu, ol enjel (JST, Jen 19:15 [Apendiks]). Samfala enjel oli stap givim seves raon long bigfala jea blong God long heven (Alma 36:22).
Ol skripja oli tokbaot tu ol enjel blong devel. Olgeta ia, oli ol spirit we oli folem Lusifa mo God i sakem olgeta aot long ples blong hem long laef bifo laef long wol ia i go daon long wol ia (Rev 12:1â9; 2Â Nif 9:9, 16; D&K 29:36â37).