Laet, Laet blong Kraes
Paoa long bodi, paoa, o fos we i kam long heven, we i kam long God tru Kraes mo i givim laef mo laet long evri samting. Hem i loa ia we, tru long hem, oli kontrolem evri samting long heven mo long wol (D&K 88:6â13). Hem i helpem tu ol pipol blong andastanem ol trutok blong gospel, mo i help blong putum olgeta long rod blong gospel we i lidim olgeta long fasin blong sevem man (Jon 3:19â21; 12:46; Alma 26:15; 32:35; D&K 93:28â29, 31â32, 40, 42).
Laet blong Kraes, oli no mas miksim wetem Tabu Spirit. Laet blong Kraes i no wan man. Hem i wan fos we i kam long God mo i mekem wan i rere blong kasem Tabu Spirit. Hem i wan fos blong mekem gud insaed long laef blong evri pipol (Jon 1:9; D&K 84:46â47).
Wan wei we laet blong Kraes i kamaot long hem, i waes o tingting, we i helpem wan blong jusum bitwin raet mo rong (Moro 7:16). Taem ol pipol oli stap kam blong lanem moa abaot gospel, tingting blong olgeta i kam blong kasem samting moa isi (Moro 7:12â19). Ol pipol we oli mekem folem laet blong Kraes oli go kasem gospel blong Jisas Kraes (D&K 84:46â48).