Spirit
Pat ia blong wan man we i stap laef we i stap bifo hem i bon long wol ia, we i stap insaed long bodi blong mit mo bun long taem blong laef long wol ia, mo i stap afta long ded olsem wan seperet man kasem Laef Bakegen long Ded. Evri samting we i laefâman, animol, mo plantâoli ol spirit bifo i gat eni kaen laef long wol ia (Jen 2:4â5; Moses 3:4â7). Spirit bodi i luk olsem bodi blong mit mo bun (1Â Nif 11:11; Ita 3:15â16; D&K 77:2; 129). Spirit i wan samting, be hem i moa naes o klin bitim samting we i blong wol ia (D&K 131:7).
Evri man o woman i wan stret boe o wan stret gel blong God, from i bon olsem wan spirit long Papa mo Mama long Heven bifo i bon long wol ia long ol papa mo mama blong wol ia (Hib 12:9). Wanwan man o woman long wol i gat wan spirit bodi we i no save ded antap long bodi blong mit mo bun. Olsem we oli tokbaot samtaem long ol skripja, spirit mo bodi blong wol ia, tugeta i olsem sol (Jen 2:7; D&K 88:15; Moses 3:7, 9, 19; Ebr 5:7). Wan spirit i save laef sapos hem i no gat wan bodi blong mit mo bun, be bodi blong mit mo bun i no save laef sapos i no gat spirit (Jem 2:26). Ded long saed blong bodi, i taem spirit i seperet long bodi. Long Laef Bakegen long Ded, spirit i joen bakegen wetem semfala bodi blong mit mo bun we hem i bin gat taem hem i laef long wol ia, be hemia nomo, i gat tufala samting i defren: bae tufala i nomo save seperet bakegen, mo bodi blong mit mo bin bae i nomo save ded mo i stret evriwan (Alma 11:45; D&K 138:16â17).