Seksen 35
Revelesen we God i givim long Profet Josef Smit mo Sidni Rigdon, long, o kolosap long Feyet, Niu Yok, long 7 Disemba 1830. Long taem ia, kolosap evri dei nomo Profet i bin stap wok blong mekem translesen blong Baebol. Translesen ia i stat eli long manis Jun 1830, mo tufala ia, Oliva Kaodri mo Jon Witma, tufala i bin stap raetem ol toktok ia. From we Lod i bin singaotem tufala long ol narafala wok, nao hem i bin singaotem Sidni Rigdon blong stap olsem man blong raet blong Profet, long wok ia (luk long ves 20). Olsem wan fas toktok long rekod blong revelesen ia, histri blong Josef Smit i talem se: “Long Disemba, Sidni Rigdon i aot [long Ohaeo] i kam, blong askem save long Lod, mo Edwod Patrij i bin kam wetem hem. … I no longtaem afta we tufala brata ia i kam, nao Lod i bin toktok.”
1–2, Olsem wanem nao ol man oli kam ol pikinini blong God; 3–7, Lod i singaotem Sidni Rigdon blong mekem baptaes mo blong givim Tabu Spirit; 8–12, Ol saen mo ol merikel oli hapen tru long fet; 13–16, Ol wokman blong Lod bae oli klinim gud ol nesen ia tru long paoa blong Spirit; 17–19, Josef Smit i holem ol ki blong ol sikret blong God; 20–21, Olgeta we Lod i jusum, bae oli stap strong long dei we bae hem i kam; 22–27, Lod bae i sevem Isrel.
1 Lisin long voes blong aLod, God blong yu, we i bAlfa mo Omega, stat mo en, we dwei blong hem i olsem wan raon we i no save finis, hem i esemmak tedei mo yestedei, mo blong oltaem.
2 Mi, mi Jisas Kraes, Pikinini blong God, we oli bin anilim mi long kros from ol sin blong wol ia, blong hamas we bambae oli bbiliv long nem blong mi, bae oli kam ol dpikinini blong God; blong oli kam ewan wetem mi olsem we mi, mi fwan wetem Papa, mo olsem we Papa i wan wetem mi, blong yumi stap wan.
3 Luk, i tru, i tru mi talem long yu, wokman blong mi, Sidni; mi bin luk long yu mo ol wok blong yu. Mi bin harem ol prea blong yu, mo mi bin mekem yu rere from wan wok we i moa bigwan.
4 Mi blesem yu, from bambae yu mekem ol bigfala samting. Luk, mi bin sendem yu i go, semmak olsem aJon, blong mekem rere rod i stap fastaem long mi, mo bifo we bElaeja bae i kam, mo yu, yu no bin save hemia.
5 Yu bin mekem baptaes long wota blong man i sakem sin, be oli ano kasem Tabu Spirit;
6 Be naoia, mi givim wan komanmen long yu, se bae yu abaptaesem man long wota, mo bae oli kasem bTabu Spirit tru long fasin blong putum dhan antap long hed blong man, semmak olsem we ol aposol blong bifo oli bin mekem.
7 Mo bae i hapen se i gat wan bigfala wok i hapen long graon ia, long medel blong Ol aJentael, from krangke fasin mo rabis sin blong olgeta bae oli kamaot klia long ae blong evri pipol.
8 From mi, mi God, mo han blong mi i no asot; mo bambae mi soem ol bmerikel, ol dsaen, mo ol sapraes, long olgeta evriwan we oli ebiliv long nem blong mi.
9 Mo huia we bae i askem long nem blong mi wetem afet, bae i bsakemaot ol ddevel; bae i mekem ol sikman oli ekam oraet bakegen, bae i mekem olgeta we oli blaen oli lukluk bakegen, mo bae i mekem olgeta we sora i fas oli harem samting, mo bae i mekem olgeta we oli no toktok oli toktok, mo bae i mekem olgeta we oli no wokbaot oli wokbaot.
10 Mo taem i kam kwik tumas, we Lod bae i soemaot ol bigfala samting long ol pikinini blong man;
11 Be sapos i ano gat fet, Lod i no soemaot ol samting ia, be, bae i gat nomo ol bhadtaem long dBabilon, semwan ia we i bin mekem evri nesen oli bin dring long waen ia blong bigfala nogud kros blong God from efasin blong stap mekem ol rabis sin.
12 Mo i ano gat wan i mekem gud, be olgeta nomo we oli rere blong kasem ful gospel blong mi, we mi bin sendem i kam long jeneresen ia.
13 Taswe, mi singaotem olgeta blong wol ia we oli no astrong, olgeta we oli bno skul gud mo olgeta we oli no wantem save long olgeta, blong klinim gud ol nesen tru long paoa blong Spirit blong mi;
14 Mo han blong olgeta bae i han blong mi, mo bae mi mi stap olsem asil blong olgeta, mo smol sil blong olgeta; mo bae mi mekem olgeta oli rere, mo bae oli faet blong mi wetem ful tingting mo paoa; mo ol benemi blong olgeta bae oli stap andanit long leg blong olgeta; mo bae mi letem naef blong faet i dfoldaon long bihaf blong olgeta, mo wetem efaea blong kros blong mi, bae mi mekem olgeta ia oli laef.
15 Mo olgeta we oli apua mo bolgeta we oli no stap flas, bae oli prijim gospel long olgeta, mo bae oli dlukluk fored long taem ia we bae mi kam, from taem i kam ekolosap—
16 Mo bambae oli lanem parabol blong afig tri, from we naoia, taem ia we Lod i kam, i kam kolosap.
17 Mo mi bin sendem gospel blong mi we i afulwan i kam tru long han blong wokman blong mi, bJosef; mo taem hem i no bin strong, mi bin blesem hem;
18 Mo bin givim long hem ol aki blong sikret blong ol samting ia we mi bin bsilim, we oli ol samting we oli bin stap stat long dstat blong wol, mo ol samting we bae oli kam, stat long taem naoia i go kasem taem we bambae mi kam, sapos hem i stap fetful long mi, mo sapos no, bae mi putum wan nara man i tekem ples blong hem.
19 Taswe, luklukaotem gud hem blong hem i no lusum fet blong hem, mo ol samting ia bae oli kam long hem tru long aSpirit blong Givhan, bTabu Spirit, we i save evri samting.
20 Mo mi givim wan komanmen long yu—se bambae yu araet blong hem; mo bae mi givim ol skripja, olsem we oli stap insaed long jes blong mi, blong sevem olgeta we mi bin bjusum olgeta.
21 From bae oli harem avoes blong mi, mo bae oli luk mi, mo bae oli no save stap slip, mo bae oli bstap strong long dei we bae mi dkam; from bae oli kam klin evriwan, semmak olsem we mi mi eklin.
22 Mo naoia, mi talem long ayu, yu stastap wetem hem, mo bae hem i travel wetem yu; no livim hem fogud, mo i tru, ol samting ia bae oli hapen.
23 Mo along taem we yutufala i no raet, luk, bae mi mekem hem i profesae; mo bambae yu prijim gospel blong mi, mo talemaot bakegen ol toktok blong ol btabu profet blong pruvum ol toktok blong hem, olsem we bae mi givim long hem.
24 aObei long evri komanmen mo evri kavenan we yutufala i mas obei long olgeta; mo bambae mi mekem ol heven oli bseksek from gud blong yutufala, mo dSetan bae i fraet mo seksek mo Saeon bambae i estap glad antap long ol hil mo bambae i gro gud;
25 Mo bae mi asevem bIsrel long stret taem blong mi; mo tru long ol dki we mi bin givim, bae mi lidim olgeta, mo bae i nomo save go lus bakegen.
26 Leftemap hat blong yutufala, mo stap glad, taem blong apemaot yutufala i kam kolosap.
27 No fraet, smol grup, akingdom i blong yufala kasem taem we mi kam. Luk, mi bkam kwiktaem. I olsem. Amen.