Kapitulli 45
Jezu Krishti Jep Mësim rreth Sakramentit dhe Lutjes
Kur dishepujt u kthyen, Shpëtimtari e ndau bukën në copa dhe e bekoi atë. Ai ua dha disa copa dishepujve të Tij dhe i vuri ata t’u jepnin njerëzve.
Jezusi tha se njerëzit që e marrin sakramentin, premtojnë ta kujtojnë gjithmonë Atë dhe sakrificën e Tij. Pastaj ata marrin Shpirtin e Tij.
Jezu Krishti bekoi verën dhe u dha pak edhe dishepujve të Tij. Dishepujt u dhanë pak verë njerëzve.
Jezusi tha se ata, të cilët e marrin sakramentin, premtojnë t’i zbatojnë urdhërimet e Tij.
Jezusi përsëri u tha dishepujve të Tij se cilido që merr sakramentin dhe gjithmonë e kujton Atë, do ta ketë Shpirtin e Tij.
Ai u tha dishepujve të Tij se ata do të bekoheshin nëse i mbanin urdhërimet e Tij.
Ai u tha atyre të luten gjithmonë dhe të luten ashtu siç e kanë parë Atë të lutet.
Shpëtimtari u tha të gjithë nefitëve t’i luten Atit Qiellor në emrin e Tij. Ai gjithashtu i urdhëroi ata të luten bashkë me familjet e tyre.
Ai tha se njerëzit duhet të mblidheshin shpesh së bashku. Ata duhet t’i mirëpritnin të tjerët në mbledhjet e tyre, të luteshin për ta dhe të ishin një shembull i mirë për ta.
Shpëtimtari u dha dishepujve të Tij fuqinë për të dhënë Frymën e Shenjtë. Pastaj një re i mbuloi njerëzit kështu që vetëm dishepujt e panë Jezu Krishtin të ngjitej në qiell.