Kapitulli 52
Shkatërrimi i Jareditëve
Kaluan shumë vite dhe jareditët u bënë të ligj. Zoti dërgoi profetë për t’u thënë atyre të pendoheshin ose do të shkatërroheshin.
Njerëzit nuk i dëgjuan profetët. Ata u përpoqën t’i vrisnin ata.
Pati luftëra dhe zi buke në tokë. Shumë jareditë vdiqën.
Zoti dërgoi një profet tjetër të quajtur Ethëri. Ai predikoi nga mëngjesi deri në mbrëmje, duke u thënë jareditëve që të besonin në Perëndi dhe të pendoheshin.
Ethëri u tha jareditëve se, në qoftë se ata do të besonin në Perëndi, ata do të jetonin një ditë me Atin Qiellor në një botë më të mirë.
Ethëri u tha jareditëve shumë gjëra të rëndësishme, por ata nuk i besuan. Ata e detyruan që të largohej nga qyteti.
Ethëri fshihej në një shpellë gjatë ditës, që të mos e vritnin. Natën ai dilte jashtë dhe shihte çfarë po ndodhte me jareditët.
Ai mbaroi së shkruari historinë e jareditëve ndërkohë që qëndronte i fshehur.
Zoti e dërgoi Ethërin te Koriantumri, që ishte një mbret i lig jaredit. Ethëri i tha atij të pendohej ose do të jetonte aq sa të shikonte të gjithë popullin e tij të vrarë.
Koriantumri dhe njerëzit e tij nuk u penduan. Ai u përpoq ta vriste Ethërin, por Ethëri vrapoi dhe u fsheh në shpellë.
Njerëzit ishin kaq të ligj, saqë Zoti e mallkoi vendin. Ata nuk mund t’i vendosnin veglat apo shpatat e tyre në tokë sepse të nesërmen objektet nuk i gjenin më.
Të gjithë jareditët luftuan në luftëra, duke përfshirë gratë dhe fëmijët. Koriantumri udhëhoqi njërën ushtri dhe një njeri i quajtur Shiz udhëhoqi një tjetër ushtri.
Koriantumri dhe Shizi ishin të dy njerëz të ligj. Fryma e Shenjtë u largua nga jareditët për shkak të ligësisë të tyre. Satani kishte fuqi të plotë mbi ta.
Jareditët luftuan derisa Koriantumri dhe Shizi ishin të vetmit që mbetën. Kur Shizit i ra të fikët nga humbja e shumtë e gjakut, Koriantumri ia preu kokën.
Profecia e Ethërit ishte vërtetuar: Koriantumri ishte jarediti i fundit që mbeti gjallë. Ai u gjet nga populli i Zarahemlës.
Ethëri përfundoi së shkruari historinë e jareditëve. Ata u shkatërruan për shkak të ligësisë së tyre. Analet e jareditëve u gjetën më vonë nga nefitët.