Moanna ma te Tataro

Teuana maibuakon bwaai aika a rangi ni kakan ongora bon aia maroro kairake mai Ottawa ngke a taekinna aron kaekaan aia tataro. Te Moan, e taku Susan Brook, “Ngkana ko tangira te kaeka, ko riai ni kakauongo nako iai.”

E taekinna Susan ae ana kaeka n taitabetai e roko man warekan booki aika tabu. Iai ana banna ni katoto ae moan te tamaroa: “N te bongina, I rangi ni kua, ao I aki rangi n raoiroi nakoia ni kabane, I aki tangiria ni kan taetae. I a uringa te wareware inanon booki aika tabu, I aki bati n ataia bwa e mena ia, ao e kanga taekana, ‘Ko na nanorinano.’ I waekoa n ataia. Arei au kaeka.” (Tara D&C 112:10.)

E rang ni kakauongo raoiAriana Keith n te taromauri. “I taku bwa angin ara tataro a bane ni kaekaki irouia taan taetae n te taromauri,” e taekinna. “Bon iai te tai ae I rangi ni kainanoa ana kakabwaia te tamaniuea. N te wiiki are imwaina I baireia ni karekea iai, ara tamaniuea n te titeiki e a kawarira n te uoote ao n taetae. I a kaman tia n tataroia mwaka, ao ongorara irouna e rangi ni bongana.”

E aku Mackenzie Loftus bwa ana tataro aki toki ni kakaekaki rinanon ana utu. E tataro ibukin aia babaire ana utu, ao, “I namakina te Tamnei n te tai naba ae ngkai, n ataia bwa ara babaire ake ti karaoi bwa a bane n eti raoi.”

N taibetai e na bon roko te kaeka nakoim are ko tabe ni kakaea. Ngke a mwaing nako OttawaThomas Francis ma ana utu, e kainnanoa karekean raoraona aika a boou n ana reirei ae boou naba. E tataro bwa aonga n reke raoraona aika a tamaroa. “N te bongina,” e taku Thomas, “te aomata ae e mena n au koraki n reirei e kawarai ao n taku, ‘Ko tangiria n nako mai ni kaitibo ma raoraou?’ Imwiin te tai anne. Ti a riki bwa rao ngaira. E rangi ni mwaiti buokau iai.”

Iai te bwai ae e rangi ni kakawaki ae e kan taekinna Dawson Lybbert ibukin kaekaan taian tataro.E taku, “N taitabetai ko aki kona n karekea te kaeka ae ko kantaningaia, ma e na bon reke te kaeka are ko tangiria. E taku bwa ko aki kona n noria n te tai naba arei, ma ko bon kona ngkana ko tanrikaki.

Tabeman maibuakoia aika kairake a taku bwa e rangi n tamaroa ni iai am utu aika a bootaki n tataro. Kyffin de Souza e rangi n tatangira riki atakin ana utu ni bootaki n tataro ni katoa tairiki. “Ti a tia ni baireira ibukin te tai n tei ni karaoan te tataro. I namakina te Tamnei, ao I ataia ae ngkana I kitana mweengau, a tataro ibukiu bwa N na aki kabuanibwai

Bénédicte Bélizaire e tangiria n tataro ma ana kaaro ni katoa moaningabong. “I nakon aia ruu, ao ti tataro,” e taekinna. “Iai au koaua bwa te Tamnei ae Raoiroi e memena irarikiu, ao ngkanaI rangi ni kainnanoa Ana Buoka, N na bubutia Tamara are i Karawa ibukina.”

E taku raoraona ae Ruth Decady, “E rangi ni kakawaki ae ngkana ti na taekina ara tataro, ti na ataia ae Tamara are i Karawa e kakauongo. Iai temanna ikekei ibukim.”

E tangiria Katie Cameron bwa e kanga te tataro n anganna te namakin. “Ngkana I taetae nakon te Uea, I kanamakinna ae iai temanna ae bon tangiria n taetae nakoiu. I ataia ae I kona n tuangnga te bwai teuana.”

Ataeinimwaane—ai moamoa riki ake a koro aia ririki n ibonga n ai aron Ronan Filamont, Fred King, ao Dawson ao Davin Lybbert—a taetae ibukin kakawakin ao tabun te mwioko ni karaoan te tataro n toa ibukiia kain aia uoote ao aia mwaanga.

E taku Dawson, “Tataro ni bootaki n toa e anganiko te iango ae e mataata riki ibukin kakawakina. Iai irou te mwaaka n te nakoanibonga, ao I namakina are I aki kona ni bainikirinna.”

E uringa atongan te tataro n toa Fred ngke e moan katabuaki bwa te ibonga: “E bon kanganga n te moan tai, aoI aki toki ni kakaraoa te kairua. N tainako ao N na bon okiokiria. Ma te Tamnei e aki toki ni wirikiriki nakoiu are N aki tabeakinna bwa ai iraua au tai ni kataia; ma N na bon karekea etina. Bon te namakin ae rangi n tamaroa.”

Tabeman maibuakoia kairake a taekina aron kakawakin bwaai ae a tangiria ni karaoia ni katauraoi ibukin te tataro. Matt Larson iai ana kibu ae kona n tarataraia ibukin reirei aika tabu ae katekei nakon oon ana ru ni matu, Doctrine and Covenants 78:19: “ane e na karekei bwaai ni kabane man te kakaitau e na karekea te mimitong, ao bwain te aonaaba aei e na ikotaki nakoina tebubua botana ao e kona n raka riki.” E kauringaki iai bwa e na riai ni kakatonga ibukin bwaai aika e a tia te Uea n anganna. E ataia ae te kakaitau bon teuana naba te bwai ae e kainnanoaki bwa mwakoron ana tataro.

E taku Nick Moolenbeck, “Te tataro e aki kona ni mwakuri ngkana I ti bubuti n akea karauan iangoakina raoi ao ni katuka nanou ni koaua ao tamnei nako iai.”

Iai ana karaki ae e tamaroa Sierra Lybbert ibukin te tataro. Ngke uoua ana ririki ni maiu, e nakonako te aoti iaon baina. E rangi ni korakora ni ikoaki waebuana, ao tabeua tabonibaina a ukinako. Ana kaaro a ienikuria ni uotia nakon te onaoraki teuana ao teuana ibukin kakaean te tia korokoro ae e kukurei nanona ni karaoa aron te ikoaki ae e tara ni kanganga aron manga kaokakina. E taku, “Temanna te taokita ae e tuangia au kaaro bwa te tia korokoro e aki kariaia te tataro ibukin tokanikaina. Tinau e tuangnga ae te tia korokoro e aki kariaia teuana te tataro ma ngaia—e a mwaiti ana tai. E tarebonia te tembora tinau ni bubuti karinan arau nakon te bebwa ibukin araia ake a tangira te tataro ibukiia.”

Ngkai, ai 13, e a reke riki kakamwakurin baain Sierra. Waebuana e a mwakuri raoi, ao e tatabekiarake ibukia ataeinaine ake tabeman man ana uoote bwa a na noria. Aki roko n te ongo te karaki. Ti te bwai ae a kona n noria iaon bain Sierra bon te mwaka ae kairariki ae ko kuri n aki ataia ni bauta oin waebuana. Mwiin te mwakuri e tara n rangi ni kamimi.

E taku Sierra, “E anganai namakinan te kukurei n ataia bwa tera ae e kona ni karaoia te tataro ibukiu. Bon te bwai ae moan te tamaroa inanon maiu.”

Ni kabane a tara n boraoi ni iango ma Kale Loftus ngke e kangai, “Te tataro bon te anua teuana ae tamaroa ni karekeaki.”