Tibwauaan te Tai

Ti Kakoaua bwa te Utu e Bon Kakabwaiaki iroun te Atua

“Te utu bon te bwai ae kakawaki nakon ana babaire te Tia Karikibwai ibukin aroia Natina” (“Te Utu: Te Katanoata nakon te Aonaaba”).

Amalickiah bon te mwaane ae buakaka. E berita nakoia Nibwaaite bwaai aika mwaiti ngkana a karikia bwa aia uea. A mwaiti aomata ake a onimakinna man kitana te kororaoi.

Moroni bon te tia kairiia ana taanga ni buaka Nibwaaite. E bon kororaoi man onimakina Iesu Kristo. Ngke e ongo Moronai ae a mwaiti aomata ake a kairaki nako iroun Amalickiah, e a rikirake unin Moronai nakoina. E ataia ae a kabuanibwai aomata ibukin kabuan inaomataia n rinerine.

E raeua mwakoron ana kabaraaki Moronai man ana mwakorona, ma ni korea iaona, “Kauringan Atuara, ara aro, ao inaomatara, ma ara rau, buura, ma natira” (Aramwa 46:12). E kabaea i tabon te kai man aranna bwa taekan te inaomata. Imwina e tataro ibukiia aomata man roko irouia, ni katiotioa te taeka ibukin te inaomata man weteia Nibwaaite n iria ni kamanoa inaomataia. (Tara Aramwa 46:1–21.)

Ko maeka inanon te bong ike iai aekaki n aomata n aron Amarakaai are tangiria ni kan kairia nako aomata man ana babaire Tamara are i Karawa. Teuana ae moan te kakawaki man mwakoron te babaire bon te utu.

E tangiriia kaain te Ekaretia Tamara are i Karawa bwa a na mataata n Ana babaire ibukia utu. Te Moan Beretitenti ao te Kooram n Abotoro ake Tengaun ma Uoman a korea “Te Utu: Te Katanoata nakon te Aonaaba” ni katanoata te bwai are ti onimakinna ibukia utu. N ai aron taekan te inaomata, te katanoata e na kaungaira man ururingnga mani kamataata baike ti onimakin.

Te Waaki ae na Karaoaki

Kanakoa iteraniba R4, ao kanimmwa iaon te beebwa ae matenten riki. Katinea te katanoata n te tabo are am utu a na kona n nooria man ururinga kakawakin aron kakorakorakia imarenaia.

Iango ibukin Tibwauaan te Tai

“Te Utu: Te Katanoata nakon te Aonaaba” bon te kaotioti naba ngkai. Angania ataei bwa a na kakauongo ae iraua te tai n ongo taeka aika “kaoti” ke “kaotaki” inanon aia tai ni ikotaki n taekina te karuaiwa n taekan te onimaki. Anga te reirei bwa te Auta e reitinako ni kaota Ana kantaninga nakoia Natina. Te waaki n reitaki aei mairoun te Atua e bon aranaki bwa te kaotioti. Anga katooton “Te Utu: Te Katanoata nakon te Aonaaba” ni katoaia ataei, ao kamataata bwa te katanoata bon te kaotioti ae ti anganaki inanon ara bong rinanon ana toro te Atua ake a rineaki. Karekei nakoia kiraati n tatabeua ma kibuntaeka ke ikotantaeka man te katanoata ma tabeua taekaia aika bua. Angania bwa a na karaoi ni kanoan bwangabwanga ma taeka aika eti. N aron aei: “Te bon nakon te Tia Karikibwai ibukin tokin kawaia Natina ae akea tokina.” Kaoia kiraati n tatabeua n tei man atonga aia kibuntaeka. Anenea moan manewen “The Family Is of God” (Riaona, Okitobwa 2008, R12–R13). Katuruturua bwa te katanoata iaon te utu bon te kaotioti mairoun te Atua ao ti riai ni mataata raoi ao mani maiuakina reireina. Ikoti katooton te katanoata; ko na manga kabonganai inanon te kateniua ni wiiki.
“Te Utu: Te Katanoata nakon te Aonaaba” e reirei kakawakin te mareaki. Kaoia kaain te aro n te uoote ke n te mwaanga ni kariaiakaki iroun te bitiobi ke te beretitenti n te mwaanga n ira waakin te marooro ni ikotaki iaon kakawakin te mareaki (tara “Panel Discussions,” Teaching, No Greater Call [1999], 175–76). Ni moantaai imwain taina, angania titiraki ake ko na tabeki. N aron aei: E kanga n tia ni kakabwaiako Tamam are i Karawa ma buum? Ko kona n tibwaua te karaki ni kaineti ma reirein te euangkerio ae a tia ni buokiko n riki bwa te buuaine (ke buumwaane) ae tamaroa? Baikara ake a kona ataei ni karaoia ngkai ni katauraoi nakon te mareaki n te bong teuana? Ko na kona n tangiria taan ira te waaki ni manga wareka “Te Utu: Te Katanoata nakon te Aonaaba.” Angania ataei n ononomwi n rinei mani wareki titiraki. Angania kaain te ikotaki ni marooro n anga aia kaeka. Kaota koauan ae kakawaki te mareaki inanon ana babaire Tamara are i Karawa.

Kabwarabwaraaki n te korotamnei iroun Matthew Reier