Ti Roko Ikai bwa Ti na Noora te Tembora

Inanon te bong teuana n te tai ni kabuebue inanon au tai n tei ae te tia mwakuri n te Salt Lake Temple, temanna te teinimwaane ma raoraona tabeman, aki roko bwa a na taromauri n te tembora n aron taraia, ngke a roko.

“Ti roko ikai bwa ti na noora te tembora,” e taku te ataeinimwaane temanna.

“Iai kariaiakim?” I titiraki.

E iango te ataeinimwaane aei tabeua te tai. Ao imwina e taku, “Eng. Iai raoraon tinau ae kaain te Moomon i Minnesota. E kairoroira bwa ti na nakomai n noora te tembora.”

I namakina kairau iroun te Tamnei ni kan katikiia ataeinimwaane aikai nako rarikiu ao mani maroro nakoia. Aran te rorobuaka n ataei aei bon Lars. I kabwarabwara nakoina bwa tiaki ti anne ae kona e roko nakon te tembora ma Tamara are ikarawa e tangiria bwa e na roko. I tuangnga Lars bwa te moani bwai e na katuraoia moa, ao ni kabwarabwara arona.

N te tai anne, I a bon tia ni kakaonimaki inanon te Ekaretia ma ti inanon tabeua te tai. I a bon tia ni beku n te mition ma imwiina I a manga kitana te Ekaretia imwin ngke I a irarang ni kakukurein te mwakuri ao ni kabonga taian bwatin ni kamanging ao arekoro. I taku bwa au utu ana kukurei n au mwakuri ma kaubwaiu, ma tinau e aki tabe ma ae kakira bwaai aikai. Irarikina, e aki toki ni katoka arau ibuakon aara n te tembora ake a taromauriaki, are e a bon kaunai.

Te aine are I mare ma ngaia e kitana naba te Ekaretia. N te tai are natira te aine ae waniua ana ririki, Tori, e moanna n titiraki taekan Iesu Kristo, maiura n tamnei n te tai e a rang ni mamara. Irarikin au beku ni mitinare, I a aki kona n uringa te bwai teuana ibukin te Tia Kamaiu.

“A bati aomata aika a tia n reke aia bebwa ake a kona n reireiniko taekan Iesu,” I tuanga Tori. “E aera ko aki taetae nakoia?”

Imwin tabeua te bong, uoman titita aika mitinare a karebwerebwe iaon ara mataroa. E kariniia Tori ao man karekea te reirei. Ni kakauongo man te ru teuana, I ongo aia reirei titita aikai are I ataia bwa e koaua.

“Ko tangiria ni bwabetitoaki?”temanna mai buakoia titita e titirakina Tori imwiin te katenua ni n reirei.

“Eng,” e kaeka.

“E na bwabetitoiko tamam?”

I tuai man nakon te taromauri inanon 20 te ririki, ma I ataia ae maiu e nang moanna ni bitaki. I a tekateka irarikia n tabeua kabanean taian reirei, ti a moana iriirakin te taromauri, ao ngai ma kainabau ti a kawara te bitiobi. Ngke I a tia n raira nanou, I a iangoia ae I riai ni karaoi bwaai ni kabane ake a kariaiakaki ni kabooi mwiin ririki ake I a tia ni kabuai. I bitii au mwakuri, ni karikirakea nakoau n te Ekaretia, n tia ni kabaeaki nakon kainabau ao natiu te aine, ao n riki bwa te tia beku n te tembora. Ai bon ngaia aio ae I ataia bwa te kurubu n aomata aika kairake a kakaea bwa a na kanga n riki ni kororaoi n te tembora.

Inanon tain bwebweraken aroka, e kororeta nakoiu Lar, ni karabwai ibukin kabwarabwaran nanon raoi te kariaia n te tembora. “I tia n reirei riki taekan te kariaia n te tembora,” e koreia. “N te tai ae ngkai, I bwabetitoaki ao ni karekea te kariaia ibukiu n Tianuare ae nako!” Matau a kaonaki n te rannimata ngke I nora te tamnei are e kairia inanon te reta ae bon tamneina inanon kunnikaina ni bwabetito aika a mainaina ao bon mitinare ake a tia n reireinna.

Manangau n oki nakon te tembora e rangi ni kamaiu norana, ao reiakinan ana mananga Lars bon te kakabwaia ae tamaroa are e kauringai bwa ti na kanga ni kona n ringii maiuia tabemwang n ae raoiroi.