Kawakiniia Te Roro Ae Rikirake

Unimwaane Neal A. Maxwell (1926–2004) ae kaain te Koorum n Abotoro ake Tengaun ma Uoman: “Katukaki iroun te Uea ibukin te tai aei, [te roro ae rikirake] a riai ngkai n kawakinaki … ao n tauraoi ibukin aia tai ae onoti n rongorongon te aomata n taai ake ngkoa! A tia n tauaki n nakomai n te tai aei, ma ngkai a tangiria n kaumakakai riki ni kaitibo n te tabo are a tia ni baireia. …

“Tiaki ti tebo kairake ma aika a tauraoi n rairi nanoia. Iai taai ake a rangin ni kangaanga ngkana a moanna ni kerikaaki tamneia—nakon te Uea ke n nako ma Irouna. Aki kona n riki aekan n iango aikai, ma ngkana a riki, aki riai ni bakataeaki. N angiin te tai ma e aki, a kona n riki aekan taai aikai n te maroro ae aki karongoa ao ni mimitong ma kaaro, tibum, te bitiobi, te tia kairiri ae ikawai, ke raoia ae etieti” (“Unto the Rising Generation,” Ensign, Eberi. 1985, 8, 10).

Unimwaane Ronald A. Rasband kaain te Beretitentii n te Itingaun: “E na kororaoi ara roro aika rikirake man ara boutoka ni kakorakoraia n te mwananga nakon te nakoa ni kairake. … Ni bwaai ni kabane ake ti karaoi, n taabo ake ti nako iai, ma aomata aika uarereke Aika Itiaki ni Boong Aika Kaitira aika ti kaitibo ma ngaia, ti na kainnanoia bwa ti na te atatai n te bwai ae a kainnanoia ibukin kakorakorakiia, kamwarakeaia, ao te tia kaunga ibukin te raoiroi ni maiuia” (“Our Rising Generation,” Riaona, Meei 2006, 47).

Beretitenti Gordon B. Hinckley (1910–2008): “Tai mwaninga bwa aika uarereke aikai bon natin te Atua mwaane ao aine ao ngkoe bon te tia reita te reitaki ma ngaia, bwa Ngaia bon te karo imwain ae kam riki bwa kaaro ao E tuai kanakoa Inaomatana ni karo ke nanona irouia Natina aika uarereke aikai. … Kaikawaia natimi n te tangira, n te tamaroa ao ni kawain te Uea. Tararuaia natim aika uarereke. Butimwaia nakon mweengam, ao karikirakeia n te tamaroa ao tangiriia ma nanom ni kabane. A na karaoi, inanon ririki aika a na roko, tabeua bwaai aika ko na aki tangiri bwa ana karaoi, ma taotaona nanom, taotaona nanom. Ko tuai konaaki ti ngkana ko a tia ni kataia” (“Words of the Living Prophet,” Riaona, Meei 1998, 26–27).

Julie B. Beck, te beretitenti ni kabuta n Aia Bootaki Aine: “Ngkana ko kakorakoraa nanona ko ribanaia, tabe ibukiia, ao karikirakeia. … Te kakorakora e tangira te babaire raoi, te taotaonaki n nano, te tangira, ao te mwakuri. Te ibuobuoki ni karikirakea ae riki rinanon te kakorakora bon te tabe ni koaua ae korakora man anai nano ae katukaki irouia aine” (“Mothers Who Know,” Riaona, Nobembwa. 2007, 76, 77).

Barbara Thompson, te kauoman ni kauntira n aia beretitentii n aia Bootaki Aine: “Ngkai ngaira titita inanon te Bootaki n Aine ti kona ni buokiira n tatabemaniira ni kakorakoraia utu. Ti anganaki te tai bwa ti na beku n taabo aika mwaiti. Tiaki toki n reitaki ma ataei ao te roronrikirake ae a na bae ni kainnanoa te bwai ae ti kona n anga. Ngkami titita aika a ikawai iai riki ami taeka n reirei ao ami atatai aika kam kona n tibwauaia ma tina aika ataei riki. N tabetai te tia kairiiri n te Bootaki n Ataeinaine ke te tia reirei n te Moanrinan e taekinna ke ni karaoa te bwai ae kainnanoaki ni kakorakora te bwai ae kataia n reirei iai te karo. Ma tiaki kainnanoi aekaki n wewete ae onoti bwa ti aonga ni kaitibo ma raoraora ke kaain rarikira” (“I Will Strengthen Thee; I Will Help Thee,” Riaona, Nobembwa 2007, 117).