Kaitiakan Aontano irarikin te Tembora

I aon Kentucky, n te United States, e kabuebue mani kamaono n tain te kabuebue. N te bong teuana a nooria aomata bwa e a ikawairake te manibwebwe ae kiriin iaon oon te Louisville Kentucky Tembora. Ao tiaki ti teutana—a bon mwaiti!

Ma ngaia are ataein te Moanrinan man te Uoote ae te Crestwood te Kauoua n te Louisville Kentucky Titeiki a bairea karaoan te bwai teuana ibukina. N te bong teuana ae aki bati ni kabuebue a karaoa aia waaki ni kakukurei. “Ti anai moimotin kunnikai ao bwaketi n ran ao te toobu ni kaitiaka te oo ao ni buoka kawakinan ana auti Tamara are i Karawa n itiaki,” e taku Sara M., ririki 10. E roto ni mwaimwai, ma “e bon kaunga ibukina bwa a bane ni mena ikekei raoraou.”

Josh H., a na ririki 9, e taku bwa kanga e kua teutana ni kaitiakan mwakoron te oo ake a rietaata. Ma a bon mwaiti buokana. Ao bon, kanga a kuri ni babane n roko ataein te Moanrinan, tao bootaia 75 ni kabane. A mwaiti ake a kairia taria ao mwaaneia ao tamaia ao tinaia ni ibuobuoki.

Ataia ataei ae a mena irarkin te tembora, ngaia are a kataia ni karinerine. Ao akea ae ngurengure ibukin matoatoan te mwakuri. “Ti na riai ni kakaria ni kakorakoraira ibukina bwa te memea e a bon maan,” e taku Megan H., a na ririki 6. Ma e bon materaoi. “I ataia ae ti a karaoa tararuan mweengan Tamara are i Karawa.”

E namakina aron naba aei Sara. “I namakina raoi te Tamnei ibukina bwa I ataia ae bon kukurei Tamara are i Karawa ngkai ti karaoa arei,” e taku neiei.

Imwin tian te mwakuri, e a ikotaki te kurubu n ana kateitei te Ekaretia ni kaan irarikina n amwarake n te kabuki ao n taekin baike a tia n reiakinna.

A bon aki kona n tataninga ataein te Moanrinan ni karokoa ae a rinnako n te tembora man karaoi bwabetito ibukia mate. Ma ngkai moa, a bon kukurei n ataakin ae a tia ni buoka katamaroan tinanikuna—n ai aron ae na riai ibukin taraakin ana auti Tamara are i Karawa.