Te Kaoti Koaua

“N na moan nako,” e taku Irinka ni katoa moan Taabati n te namwakaina. Ma baina e koona te kaintekateka ao matana e onrake n te kukurei, e kakarina angina neiei. Irinka bon ti ruaiwa ana ririki, ma e tara n ae kanga neiei te kabanea n ninikoria mai buakoia waniman kaain te aro ake aki toki n roko n taromauri n ana mwaanga neiei i Bulgaria.

Imwain ae na teirake neiei, e aki toki Irinka n taraia ngkana iai temanna ae kan kaota ana koaua moa. Ni kabane a mataukiroia man tataningaia bwa e na waerake moa. N tokina, ma te moangare ae bubura, e waerake nakon te tabo n taetae. Te beretitenti n te mwaanga e anganna te kaintei bwa e na kona neiei n nooria kaain te aro. Irinka, ti ngaia te ataei n te Moanrinan, e taraia kaain te taromauri aika ti tabeman man moana ana taetae.

E tara n aki maama neiei ngkai e a bane n taraaki. A ongora kaain te aro nakon bwanaana ae tangiraoi. Inanon ana tai n taetae ibukin Kristo, booki aika tabu, ao koauan raoi te Ekaretia, e a bon kakorakorai aia koaua aomata ni kabane.

Ngkana e a tekateka, a mabu bwaai ni kabane ao e tara n ae te Tamnei e rooti nanoia ake tabeman. Imwin temanna kaain te aro e teirake ni kaota ana koaua, ao imwina temanna ao temanna …