Te Tabo Ibukin Karekean te Rau

“Iai au tangira ae korakora ibukin te Uea, ao I rang ni kakatonga n aron te bwai ae E a tia ni karaoia inanon maiu,” e taku Dilcia. “Au utu aika kaan bon kaain te Ekaretia, ma ai tinau, tamau, ao ai tariu bon tiaki kaaina. Ngkana a roko n au auti, ao I aki toki ni katauraoa ana Boki Moomon bwa rimwi iai te kan marooro iaon te euangkerio ma ngaia.” E tibwaua naba te euangkerio ma raoraona ao “ma aomata aika e kaitibo ma ngaiia aika a tangiria ni kan ongora.” Ao n taainako ngkana e karaoia, e taku, “I namakina te Tamnei ae korakora. N tainako ngkana I tibwaua au koaua, ao Iaki toki n namakina koauan te Ekaretia.”

E uringa te reirei n te tieminary iaon taekan te babaire ni kamaiu. “Imwain karikan te aonaaba aei, ao ti bane ni mena n te Kauntira i Karawa, ao ti rineia bwa ti na ira Tamara are i Karawa man kariai ana anganano Iesu Kristo are e na karaoi ibukira,” e taku. “E kabwarabwara ara tia reirei bwa ti kona n taekinna bwa ti karinea Tamara are i Karawa ngkanne bukina bwa ti mena ikai n te aonaaba ngkai ma rabwatara n te iriko ao n te ri. Ngke e taekina anne, I ataia bwa e bon koaua. N te tairiki anne n au tataro, I tang man kaitaua te Atua ibukin te atatai anne.”

E taekinna Dilcia 1 I-Korinto 3:16: “Kam aki ataia ae ngkami ana tembora te Atua, ao e memena tamnein te Atua iroumi?” “Ngkana ngai naba te tembora,” e taku, “I tangiria n itiaki man tikiraoi n aron naba te tembora. Ai kakabwaiara kaainakin te Ekaretia aei ao n riki bwa te ataeinaine ae kororaoi riki nakoia tabeman!”

E taekinna bwa ana kantaninga ae korakora bwa e na maeka ma Tamana are i Karawa riki n te tai teuana. “I rangin ni kakatonga bwa E a tia n anganira te tembora bwa ti aonga ni kona ni karaoa are ti kona bwa tiaonga n oki Nakoina,” e taku. “Te kabanea n nakoraoi n anga ni Kaitaua bon maiuakinan te bwai ae E tuangira bwa ti na karaoia.”

E taku Dilcia, “E tangirira te Uea bwa ti na rin n Ana auti, bwa ti na reirei Arona, ao ni mwakuri kawaira nakon te maiu ae akea tokina ma Ngaia.” E taekinna naba bwa e kukurei n ira te bwabetito ibukia maate bukina bwa “ti te kawai ni buokiia naake a tataninga n iteran te rabuna are te iterana, ni karaoa te bwai ibukiia are aki kona ni karaoia bon irouia.”

E kariaia Kelsia. “A kainnanoira ara bakatibu bwa ti na karaoa te mwakuri, ao I ataia bwa a na rangin ni kukurei iroura,” e taku. “N na rangin n ingainga riki n noora tibu te unaiane are I bon tuai kina n te maiu aei. Ti na kakoaua bwa mwakuri n te tembora ibukina a na bane ni karaoaki.”

Taekinan te tembora e uota te nano ae korakora nakon Kelsia. “I kabaeaki bwa n na karaoi au babaire ake a na kabaeaki iai ma au utu,” e taku. “Ti riai ni karinea te euangkerio man kawakin taian tua al pie de la letra [to the letter of the law],” e taku. “Ti karaoia bukina bwa ti tangira Tamara are i Karawa, ao te ongotaeka e kaota aron ara tangira Nakoina.”

A kaaina te Ekaretia kaain ana utu n Ritembwa 2006, onoua te ririki imwiin mwaingiia ana karo nakon te Dominican Republic mai Haiti. “I rangin ni kakatonga irouia mitinare ake a karebwerebwe n ara mataroa. E bon koaua namakinan te Tamnei ao reiakinan ana kainibaire Tamara are i Karawa ibukira. Man te tai are e roko iai te euangkerio ni maiura, ao e a kaan riki ara utu. I kakatonga bwa E a tia n anganai au utu are e rangin n ikoikotaki, riki n tain taai ni kangaanga. Iangoan ae ti na kona ni kabaeaki n te maiu are akea tokina bon te kakabwaia ae korakora ibukira ni kabane.”

A ira ana karo te reirei ibukin te nako n te tembora n te tai aei, ao anne ae kauringa bwa e na katauraoia nakon te tai are e na mareaki n te tembora. “Anne bon oin au kantaninga, bwa n na kororaoi ngai ma kaain abau nakon taai aika a na roko ao n na bon kororaoi imarenara man kororaoi bwa te utu ae akea tokina.”

Raao aika uoman aikai a nakonako irarikin te kai ae mronron ae ananau are e a nim iai te buraeki man tiotio n te ang ae tauruuru man mwaitoro. “E ngae ngke e kauringiira bwa ti na bwaina te onimaki te buraeki are n te tembora,” E taku Dilcia. “E raka riki iangoana nakon taian kara. Iai inanona kibu n taeka ake a kaota te koaua Dios, patria, libertad [Atua, aba, inaomata] mani kaota kaibangakin te Kiritian ao Tua ake Tabuina. E kauringiira bwa e kuneaki abara irouia aomata aika kakoaua te Atua ao te Atua anne e bon teimatoa ni kakawaki ikai.”

A rirakin naba te kawai n rinnako n te tembora, are e a koreaki iai te taeka ae Santidad al Señor, la Casa del Señor (E na Mena Te Rau Iroun te Uea, Ana Auti te Uea) a koreaki ietan te mataroa n rin, ao n tembora ni kabane.

“N tainako ngkana n na wareki taeka aikai, I aki toki ni kaonaki ma taian kakoaua aika korakora bwa a bon koaua,” e taku Dilcia. “I uringa rokora ikai ma ara Bootaki ni Kairake n te tairiki teuana, ti ibukin kawaran aontano. Ngke ti a tia, e titirakiniira te bitiobi ara namakin ikai. Ti taekina te bwai aei ao ti roko ma te kaeka ae ti teuana ae kangai te: rau.”

Ao Kelsia ma Dilcia a kitanna n iangoa te kaeka ae moan te nakoraoi … e nakoraoi bukina bwa te tembora bon te tabo ibukin te rau.