Iango Ibukin te Bootaki n Utu n te Tairiki

A katautauaki taian reirei aikai bwa a na karekei nakoim tabeua iango. Ko kona ni biti ni kangaraoi nakon am utu.

“Kakabwaia man te Tembora,” iteraniba 12: Kaota tamnein te tembora. Katuka tamnein te utu man iteran te ruu ni kaitara te tembora. Inanon am tai ni kauarerekea te karaki, kamwainga ni kaania riki tamnein te utu nakon te tembora. Titirakinia kaain te utu bwa a na kanga aron aia namakin ngkana e a roko te utu n te tembora. Wareka Doctrine and Covenants 109:7–23, kakaei riki anga ni katauraoi nakon te tembora ao kakabwaia ake a roko rinanon te roroko nakon tembora. (Tara naba ana taetae Silvia H. Allred, “Tembora aika Tabu, Berita aika Tabu,” man te maungatabu ni kabuta n Okitobwa 2008.)

“Ngai? Te Tia Kawakin Tiibu i aon Iteraera?” iteraniba 30: Wareka te mwakoro “Leading Them Back,” ao marooroakina arora ni kona n riki bwa taan kawakin tiibu nakoia tabeman. N aron kanoan te waaki n reirei nakoia ataei aika uarereke, i kakaruamwi ni karaba ao ni kakae i marenami n aron te tia kawakin tiibu ni kakaei ana tiibu ake a bua. Iangoia aomata ake ko na kona ni buokia ni kaokia nako “nanon te nanai.” Kabanea n te tataro ibukin te kairiiri n aron buokaia. (Tara naba ana taetae Unimwaane Eduardo Gavarret, “Returning Home,” man te maungatabu ni kabuta n Okitobwa 2008.)

“Moanna ma te Tataro,” iteraniba 40: Kakimototoi boto n iango man te karaki. Manga wareka te moan barakarabe ibukin te mwakoro ae “Someone To Talk To.” Titirakiniia kaain te utu n tibwaua taekan te tai are a kakorakoraki man te tataro n utu. Ni katuruturua raoi kakawakin te tataro ibukia tabeman, iangoa warekan te katenua ni kabane ni barakarabe ibukin ana taetae Unimwaane David A. Bednar, “Pray Always,” man te maungatabu ni kabuta n Okitobwa 2008.

“Te Kakai ae te Tortilla,” iteraniba. R6: Wareka te karaki, ao imwina maroroakin kakaewenako ake a kaitara ma ana utu Raoul inanon aia tai ni katauraoi n nakon te tembora. Iangoa karikan tortillas bwa kanga kaain te utu ke karaoi aron katean te kawai ni karaoan tortillas, man unikakin te koon nakon kabo nakoan te tortillas nakoia taan neweaba. Kabanea ni warekan ana taeka Unimwaane Dennis B. Neuenschwander.