I rangin ni kakatonga n te maekatiin ae moan te tamaroa aei ao ibukin taian kakoaua, rongorongo aika boou, kabwarabwara iaon booki aika tabu, ao bwaai n reirei inanona. N angiin te tai ngkana I titiraki ibukin Tamara are i Karawa, ao I a tia ni kairaki iroun te Tamnei ae Raoiroi nakon te Riaona, ike I a karekei iai kaekaan au titiraki. I karekei au beeba ni kaongora ma te kimwareirei.

I tangira te Riaona, ao ti a tia ni karekea nakon nimaua ara bwakamwane ngai ma kaain abau inanon teuana te tai. Ti kabongana rakan ara beeba bwa ara bwai n tangira nakoia kaain rarikira. Temanna kaain rarikira e tuangai bwa ngke e oki nakon mweengana ni kua man korakai imwiin ana mwakuri, e karekea te kukurei ngke e kunea te maekatiin n ana baoki ni meeri. I ataia bwa bwaai ake a taekinaki n te maekatiin a bane n nako mairoun Tamara are i Karawa—rongorongo mairouia Mataniwi ni Kabuta nakon karaki mairouia kaain te ekaretia—ao warekana e anganai atatai ao kakabwaia ao ni buokai ni karekea te tangira ao te atatai ibukiia raora n aomata.