Te Gospel Art Book ae boou

N ana aobiti Beretitenti Thomas S. Monson ao e katekeaki tamnein te Tia Kamaiu are e koreaki iroun te tia korotamnei n te been Heinrich Hofmann. E taekinna te burabeti bwa te korotamnei aei e kauringa te bwai ae riai ni karaoia ae tangiria te Tia Kamaiu bwa e na karaoia. A kona n riki tamnei bwa bwaai n anainano aika korakora nakoira ni kabane, n aron te korobanna are karaoaki n tamnein Beretitenti Monson.

Akea ana iango ni katauraoi tamnei ibukin kabonganakiia irouia kaain te Ekaretia n aia kiraati n te Ekaretia ao inanon mweengara, e a tia te Ekaretia ni karaoa te Gospel Art Book ma 137 korobanna ao rawetamnei inanona. A kona tamnei aikai n ibuobuoki n taian reirei ake a reiakinaki n taabo ni kabane man te Gospel Doctrine nakon tibwauan te tai n te Moanrinan. A kona naba ni kabonganaaki n te bootaki n utu n te tairiki, n am kamatebwai ni booki aika tabu, mwakuri ni mitinare, ao n am kakawari n reirei inanon mweenga.

Kamataata ni kabane n te boki aei e karekea te tai n anga reirei—te tai n anga te karaki n te tamnei ao n reirei moan tuua. Ibukin buokara, ao iai inanon te Gospel Art Book karinanin tamnei aika iai rekerekeia nakon te rongorongo n booki aika tabu. E na kakorakora riki otara ni bwaai aika riki ao ni moan tuua n te euangkerio aika kaotaki n taian tamnei ngkana ti ukoukori booki aika tabu.

Imwiin aei ao bon kawai aika tenua ae kona iai te Gospel Art Book ni kabonganaki n te anga reirei:

1. Iangoia ni kaoia n tatabemaniia bwa ana kakaea te kibu man booki aika tabu are iai rekerekena ma te tamnei. Tuangiia bwa ana wareki kibu ni kabaibati ke ni kauarerekea ngkana kam uaia ni maroroakina te tamnei.

2. Iangoia n titirakinia n tatabemaniia bwa ana kabwarabwara te bwai ae a nooria n te tamnei. Tera tuua n te Euangkerio ae kakawaki ae reirei te tamnei? Ti na kanga ni kabonganai moan tuua akanne ni maiura n te bong aei?

3. Imwiin te reirei iaon moan tuua n te euangkerio, kaoia tabeman bwa a na ukoukora te Gospel Art Book, n uokukori tamnei ake a kamataatai moan tuua akanne. Tuangiia n tatabemaniia bwa e kanga aia namakin ngke a tara te tamnei ngkai are a tia ni maroroakina nanona.

N ara reirei ao n ara anga reirei n te euangkerio ni kabane, ti na tataro n ukoukora te kairi ma ieta (tara D&C 42:14–17). Ngkana ti karaoia, ao e na uoti iango riki tabeua te Tamnei ae Raoiroi nakon ara iango are karaoaki bwa e na kaitarai kainnanoia ake ti reireiniia. Te Gospel Art Book ae boou bon te bwai ni mwakuri ae kakawaki are e kona ni buokiira ni buokiia n tatabemaniia bwa ti aonga n nakon Kristo ni karekei kakabwaian te maiu are akea tokina.