Mga Bata Kinsa Nagbarug nga Masaligon
Barug nga Masaligon diha sa Ethiopia
Ang tagsulat nagpuyo sa Utah, USA.
Akong ngalan si Tsion!
Nagpuyo ko sa Ethiopia, usa ka nasud sa silangang bahin sa Africa. Ganahan ko magdula og soccer ug magbasa. Ug gusto ko nga mahimong usa ka doktorinig dako nako. Naningkamot ako sa pagbarug nga masaligon pinaagi sa pagsunod sa ebanghelyo matag adlaw ug sa pagpakigbahin niini ngadto sa akong mga higala!
Giunsa Nako Pagkaangkon og usa ka Pagpamatuod
Miadto ko sa simbahan sa unang higayon sa dihang otso anyos pa ko. Akong nabasa ang Basahon ni Mormon, ako naminaw sa mga misyonaryo, ug nag-ampo. Ang Espiritu miingon kanako nga ang Simbahan tinuod, ug gusto ko nga magpabunyag. Ang ebanghelyo naghimo kanako nga malipayon.
Pagtabang sa Akong Pamilya
Ang akong pamilya kasagaran maglakaw paingon sa simbahan, ug moabut kini og usa ka oras. Kon kapuyon na ang akong manghud nga lalaki, ako o ang akong igsoon nga lalaki mokugos kaniya. Motabang ko sa balay pinaagi sa pagpanghugas sa plato ug manglimpyo.
Ang Akong Calling sa Simbahan
Ang akong paborito nga bahin sa simbahan mao ang miting sa sakrament. Ako ang maggiya musika.
Ganahan ko nga magkat-on mahitungod sa ebanghelyo. Ang akong paborito nga istorya sa kasulatan mao ang David ug Goliath. Ang akong paborito nga kanta mao ang “Mga Istorya sa Basahon ni Mormon.”
Pagpakigbahin sa Unsay Akong Nahibaloan
Akong sultihan ang akong mga higala sa eskwelahan mahitungod sa gipahiuli nga ebanghelyo. Usa ka higala kanunayng nangutana mahitungod sa Simbahan—dayon kalit siyang mihunong. Ako siyang gipangutana kon ngano. Miingon siya nga ang iyang mga ginikanan nangasuko. Nanghinaut ko nga usa ka adlaw mausab unta ang ilang mga hunahuna.
Unsay Ipasabut sa Barug nga Masaligon ngari Kanako
“Pagbarug nga Masaligon” nagpasabut sa pagsunod sa ebanghelyo matag adlaw. Ang Langitnong Amahan ug si Jesus gusto nga ako mopamatuod Kanila! Gusto nako nga ang tanan nakong mga higala sa tibuok kalibutan mopakigbahin sa gipahiuli nga ebanghelyo uban sa ilang mga higala.