Pag-ampo mahitungod Niini

Imahe

Illustration depicting a bishop extending a calling to a woman.

Paghulagway pinaagi ni Katie Payne

Gisultihan nako ang bishop nga nasayop siya sa pagkuha og tawo.

“Dili ko ganahan og mga anak sa ubang mga tawo, wala pa gayud ko nakatudlo og mga bata, ug dili ko kamaong moawit,” miingon ko.

“Sister Taylor,” siya mitubag, “ang Ginoo mopasarang ni bisan kinsa nga Iyang tawagon. Ikaw mamahimong talagsaon.”

Siya mihangyo kanako sa paghunahuna mahitungod sa calling ug pahibaloon siya sa sunod Dominggo kon akoa ba kining dawaton.

“Naningkamot ko sa pag-matuto sa usa ka sais anyos, tres anyos, ug usa ka masuso,” miingon ko. “Maglisud naman gani ko sa tibuok adlaw sa ako lang kaugalingong mga anak, ug karon gusto nimong ibutang ko sa kapin sa 40 ug magtudlo nila og musika?”

Siya mitubag, “Pag-ampo mahitungod niini.”

Nianang hapona ako misulay sa pagpasabut sa akong bana, si Mark, nganong ang calling dili maayo nga ideya. Unsaon man nako pagtrabaho diha sa Primary nga dili man gani nako mahimo ang matang sa pagkainahan nga akong gusto ngadto sa akong kaugalingong mga anak? Ang kahadlok nga ako pakyas isip usa ka inahan maoy naghasol kanako sulod sa mga bulan.

Ang semana dali kaayong milabay, apan nagsige kog hunahuna sa mga pulong sa bishop. Sa katapusan, Dominggo sa buntag sa akong kwarto, miluhod ko diha sa pag-ampo. Misugod og agas ang akong mga luha, apan ang matam-is nga kalinaw ang mipuno sa akong kasingkasing. Diha-diha dayon ako nasayud nga husto kining pagdawat sa calling. Pinaagi sa pagtugyan ngadto sa kabubut-on sa Ginoo, ang tanan nga mga kabalaka mipahawa sa akong kasingkasing.

Sa dihang misulod ko sa kwarto sa Primary human sa miting sa sakrament, ang presidente sa Primary mipaila-ila kanako, ug ang mga bata mikanta og awit sa pag-welcome. Nagtan-aw ngadto sa ilang malaumon nga mga mata ug nagtan-aw sa akong sais anyos nga anak nga lalaki nga mipahiyom, mihukom ko nga ako ang mahimong labing maayong chorister sa Primary kutob sa akong mahimo.

Gikan niana migahin ko og dakong panahon sa pagkat-on sa mga awit ug sa pag-andam sa mga leksyon. Mipatukar ko sa mga sa awit sa Primary sa panimalay, sa sakyanan, ug diha sa paglakaw. Nagsiksik ko sa mga nagkalain-laing mga pamaagi sa pagtudlo ug mihalad og daghang oras matag semana sa paghimo og mga poster ug pagpalambo sa mga dula.

Samtang nangandam ko sa usa ka leksyon alang sa panahon sa pagpanganta usa ka hapon diha sa lamesa sa kusina, akong gi-hum ang awit nga “Ang Gahum sa Kasulatan.” Ang akong sayis anyos naglingkod diha sa counter nga nagkaon og sandwich, ug ang akong tres anyos nanggunting og mga piraso sa papel tapad kanako. Samtang gilaylay [hum] ang mga chorus, kalit mitingog ang duha ka mga anak:

Diha ako nasayud nga ang calling mao ang tubag sa akong mga pag-ampo. Nangamuyo ako sa Ginoo nga ipakita kanako unsaon nga mahimong mas maayo nga inahan, ug Siya mihatag kanako og usa ka calling nga motudlo kanako kon unsaon samtang nagtudlo ako og musika sa akong mga anak.

Ako mapasalamaton kaayo alang sa inspirasyon sa akong bishop ug sa iyang mahigugmaong mga pulong: “Pag-ampo mahitungod niini.”