Si Elder Andersen sa Jerusalem
Si Elder Neil L. Andersen sa Korum sa Napulog Duha Ka mga Apostoles, samtang nagtambong og usa ka international genealogical nga komperensya sa Jerusalem, nakigkita ni Nir Barkat, mayor sa siyudad. Ilang gihisgutan ang kasaysayan ug mga kalihokan sa Brigham Young University Jerusalem Center alang sa Near Eastern Study, nga naglihok sa Jerusalem sulod sa 27 ka tuig, ingon man usab ang buhat sa Simbahan sa pagpreserbar sa family history.
Ang mga komperensya sa genealogy nakadani og gatusan ka mga partisipante, lakip sa mga eksperto sa family history ug tigsiksik gikan sa Israel, North America, Europe, ug ubang mga bahin sa kalibutan.