Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
“Umanhi ka, ug Sumunod Kanako: Pagtudlo sa Sukaranang mga Baruganan diha sa Panimalay,” pahina 28: Kini nga artikulo adunay mga ideya sa pagtudlo ug pagkat-on alang sa unom ka mga hilisgutan. Mahimo ninyong gamiton ang ideya alang sa hilisgutan sa kabatan-onan sa Enero, ang Dios nga Kapangulohan, sa family home evening. Mahimo ninyong ribyuhon isip pamilya ang mga pamaagi sa pagkat-on nga gihulagway diha sa artikulo ug hisguti hain ang makatabang kaayo alang sa inyong pamilya. Mahimo ninyong dapiton ang mga sakop sa pamilya sa paggamit niini nga mga pamaagi sa pag-andam sa umaabut nga mga leksyon sa family home evening nga gibase sa mga hilisgutan sa ebanghelyo niini nga artikulo.
“Usa ka Panaw diha sa Kamingawan,” pahina 76: Hunahunaa ang paghimo og gamayng obstacle course diha sa inyong panimalay, tingali usbon ang pagpahimutang sa mga kasangkapan ug magbutang og higot tabok sa agianan. Taptapi ang mga mata sa matag sakop sa pamilya gawas sa usa ka tawo kinsa motudlo sa uban sa pamilya kon unsaon sa pag-agi lahus niini. Pagkahuman ninyo tingali maghisgut kon sa unsang paagi nga ang Langitnong Amahan migiya ni Nephi ug sa iyang pamilya ngadto sa gisaad nga yuta. Dayon mahimo ninyong hisgutan ang mga paagi nga nahatag sa Langitnong Amahan alang kaninyo ug sa inyong pamilya aron makatabang kaninyo nga luwas nga makabalik ngadto Kaniya.