Doktrina nga Gihatagan og Gibug-aton
Ang Hugot nga Pagtuo Usa ka Pagpili
Si Elder Neil L. Andersen sa Korum sa Napulog Duha ka mga Apostoles, “Ang Hugot nga Pagtuo, Dili pinaagi sa Sulagma, apan pinaagi sa Pagpili,” Liahona, Nob. 2015, 65.
“Ang pagtuo diha ni Ginoong Jesukristo dili butang nga gaan, naglutaw sa kahanginan. Ang pagtuo dili moabut kanato pinaagi sa sulagma ni magpabilin kanato pinaagi sa katungod sa pagkapanganay. Kini, sama sa giingon sa kasulatan, ang “pasalig … , ang panghimatuod sa pagkaanaa sa mga butang nga dili nato makita.’ [Mga Hebreohanon 11:1]. Ang pagtuo makamugna og espirituhanong kahayag, ug kana nga kahayag masabtan. Ang pagtuo diha ni Jesukristo usa ka gasa gikan sa langit nga moabut samtang kita mopili nga motuo ug samtang kita magtinguha ug maghupot niini. Ang inyong pagtuo mahimong mag-anam kalig-on o mag-anam kahuyang. Ang pagtuo usa ka baruganan sa gahum, importante dili lamang niining kinabuhia, apan sa atong pag-uswag human sa kamatayon. Kay tungod sa grasya ni Kristo, usa ka adlaw kita maluwas pinaagi sa pagtuo diha sa Iyang ngalan. Ang gidak-on sa inyong pagtuo sa umaabut dili pinaagi sa sulagma, apan pinaagi sa pagpili.”