Pagpadayon sa Unahan
Nakahunahuna ba kamo mahitungod kon asa kamo padulong ug asa kamo gustong motapos? Ang tema sa Mutual alang sa 2016 mao ang 2 Nephi 31:20, ug kining usa ka bersikulo naghatag kaninyo og pito ka mga punto sa tambag mahitungod sa direksyon sa inyong kinabuhi. Dinhi inyong makaplagan ang direksyon, aksyon, kinaiya, pagkat-on nga gisugo sa Dios ug ganti nga gisaad alang sa inyong paningkamot. Atong tan-awon ang pipila ka importanting mga pulong niini nga bersikulo.
Ang pagpadayon sa unahan nagpasabut nga kamo gikinahanglan nga maghimo og usa ka matuod nga paningkamot batok sa ubang pwersa sa kaatbang. Kita kinahanglang mogamit og kusog sa pagsunod sa ebanghelyo tungod kay gilibutan kita sa mga masinupakon ngadto sa mga sugo sa Dios.
Ikaw ba makanunayon diha kang Kristo? Ikaw ba dili matarug diha sa imong pagkamaunungon ngadto Kaniya?
Kon kamo “magpabilin Kaniya” (tan-awa sa Juan 15:4) ug mosunod sa Iyang mga pagtulun-an, dayon kamo tinud-anay nga nagmakanunayon ug ang mga panalangin siguradong moabut kaninyo.
Ang inyong paglaum ug gugma sa Dios ug sa tawo molambo samtang kamo makasabut ug mobati sa gugma sa Dios sa personal nga paagi. Kini nga pagsabut motubo samtang kamo nagbusog sa mga pulong ni Kristo, kana, samtang kamo mapasalamaton ug tuyo nga migamit sa mga pulong ni Kristo sa inyong personal nga kinabuhi.
Ug sa katapusan, kamo kinahanglan molahutay! Dili ba kana makalaay ug makakapoy? Sa tinuoray, ang paglahutay nagpasabut sa pagpadayon uban sa maayo nga inyong gibuhat—nga magmakanunayon diha sa inyong paningkamot sa pagpadayon. Kon kamo kanunay nga magpabilin sa dalan sa ebanghelyo, kamo naglahutay.
Angay lang ba kini? OO! Ang atong mahigugmaong Amahan sa Langit gusto nga makabalik kita ngadto Kaniya, aron maangkon ang kinabuhing dayon uban Kaniya tungod kay Siya nasayud nga diha niana atong maangkon ang matuod, malungtarong kalipay ug hingpit nga kalipay lapas sa unsay atong mahunahuna karon. Mao kana nganong sa 2 Nephi 31:20, klaro kaayo Niyang gipasabut ug gipiho kon unsay gikinahanglan aron makabalik ngadto Kaniya. Makahimo kita niini uban sa Iyang tabang. Kanunay Siya nga nag-andam og agianan alang kanato aron mabuhat ang unsay Iyang gisugo.