Mga Tubag gikan sa mga Lider sa Simbahan
Unsaon sa Pagpadayon sa Unahan
Elder Neil L. Andersen
Sa Korum sa Napulog Duha ka mga Apostoles
Gikan sa pakigpulong sa Brigham Young University–Hawaii nga gihatag niadtong Disyembre 14, 2013.
Detalye gikan sa Gunit Og Maayo, ni Liz Lemon Swindle
Ang Press Forward nagpasabut og usa ka butang nga labaw pa kay sa yanong pagpadayon. Ang Press nagpasabut sa pagsanta sa imong paglambo, ug kinahanglan nga kamo mopadayon gayud. Sa pagpadayon niini nga kinabuhi, kamo kinahanglan mosanta sa mga tintasyon, mopadayon agi sa mga babag, mosanta sa pagduha-duha ug kahadlok, ug dawaton ang diosnong mga hiyas sa hugot nga pagtuo, paglaum, ug gugma.
Unsaon man ninyo pag-press forward? Mitubag si Nephi, “Kamo kinahanglan gayud mopadayon sa unahan (press forward) uban ang pagkamakanunayon kang Kristo, magbaton sa usa ka hingpit nga kahayag sa paglaum, ug usa ka gugma sa Dios ug sa tanan nga mga tawo” (2 Nephi 31:20).
Ang pag-press forward uban ang pagkamakanunayon kang Kristo nagpasabut og pagbaton og hugot nga pagtuo diha Kaniya. Nagpasabut kini sa paghimo Kaniya nga sentro sa pagtutok sa atong mga hunahuna ug mga lihok. Kon Siya ang inyong gisunod, ang pressing forward mao ang pinakaimportanting panaw.
Ang pressing forward nagpasabut nga pagpapahawa sa “mga tintasyon ug kabalaka” sa kalibutan ug pagsunod sa mga sugo nga eksakto gayud. “Kon nahigugma kamo kanako inyong pagatumanon ang akong mga sugo” (Juan 14:15).
Midugang si Nephi nga uban sa atong pagkamakanunayon kang Kristo moabut ang hingpit nga kahayag sa paglaum ug gugma sa Dios ug sa tanan nga mga tawo. Kanato ang paglaum mopahiyom. Makakaplag kita og kalinaw bisan sa mga kalisdanan. Ang pagkadisipulo nagtugot kanato nga makita ang atong tinuod nga katuyoan dinhi sa yuta. Kadto nga mga katuyoan nagsentro sa pagtabang sa atong pamilya, kadtong atong gihigugma, ug kadtong naglibut kanato. Kini naglakip sa pagtukod sa gingharian sa Dios, ug kon buhaton nato, kita mahimo unsay angay nga kita nga mahimo.
Si Nephi nagsulti nato nga kita kinahanglan gayud nga mo-press forward, magbusog sa mga pulong ni Kristo. Siya nagsulti kanato nga uban sa gasa sa Espiritu Santo, kita mamulong uban (ug makasabut) sa pinulongan sa mga anghel (tan-awa sa 2 Nephi 32:2–5). Ako nasayud niini nga tingog. Kini mao ang tingog nga kinahanglang andam kitang maminaw kanunay.
Samtang kamo matarung nga mo-press forward, si Jesukristo “mogiya kaninyo” (D&P 78:18) ug nga kamo masayud uban sa mas dako nga kasiguroan sa Iyang katinuod ug sa Iyang gugma alang kaninyo. Samtang kamo mo-press forward pinaagi sa hugot nga pagtuo, ang Espiritu Santo mosulti kaninyo ug mopakita kaninyo sa mga butang nga kinahanglan ninyong buhaton (tan-awa sa 2 Nephi 32:5).