2023
Ngaahi Tohi ʻa e ʻAposetolo ko Paulá
‘Okatopa 2023

“Ngaahi Tohi ʻa e ʻAposetolo ko Paulá, Konga 3,” Liahona, ʻOkatopa 2023.

Ngaahi Tohi ʻa e ʻAposetolo ko Paulá

Konga 3

ʻĪmisi
kiliʻimanu mo e poulu vaitohi mo e meʻangāue faitohi

Tā fakatātaaʻi ʻe Elspeth Young

1 Tīmote

  • Kia Tīmote, ko ha taki ʻo e Siasí ʻi ʻEfesō (ko ha kolo ʻi Toake ʻo onopōní)

  • Ngalingali naʻe fai ʻa e tohí mei Masetōnia ʻi he AD 64–65 nai

  • Taumuʻá: Ke tokoni ke mahino lelei ange kia Tīmote hono ngaahi fatongia faka-Siasí

  • Ngaahi akonaki mahuʻingá: Fakatokanga fekauʻaki mo e tokāteline halá, ngaahi fatongia ʻo e kau taki ʻo e Siasí, faleʻi ki he founga ʻo e ngāue fakaetauhí, mo e fakalotolahi ke fai ha ngaahi ngāue lelei

2 Tīmote

  • Kia Tīmote, ko ha taki ʻo e Siasí ʻi ʻEfesō (ko ha kolo ʻi Toake ʻo onopōní)

  • Naʻe fai ʻa e tohí mei Loma ʻo fakafuofua ki he AD 64–65 nai

  • Taumuʻá: Ke foaki ha mālohi ʻo fakafou ʻi he ngaahi faingataʻá mo poupouʻi ʻa e Siasí ke kei tuʻu mālohi pē ʻi he hili ʻa e pekia ʻa Paulá

  • Ngaahi akonaki mahuʻingá: Hē mei he moʻoní, maʻu ʻa e moʻui taʻengatá ʻo fakafou ʻia Sīsū Kalaisí, mo e ngaahi tāpuaki mo e ngaahi faingataʻa ʻo e tuʻunga fakaākongá

Taitusi

  • Kia Taitusi, ko ha papi ului mei Kalisi

  • Naʻe fai ʻa e tohí mei Nikopoli (ko ha kolo ʻi Kalisi ʻo onopōní) ʻi he AD 64–65

  • Taumuʻá: Ke fakamālohia ʻa Taitusi ʻi heʻene tataki ʻa e Siasí ʻi Kelití (ko ha motu ʻi Kalisi)

  • Ngaahi akonaki mahuʻingá: ʻAmanaki lelei ki he moʻui taʻengatá, ngaahi fiemaʻu ki he kau pīsopé, moʻui angatonú, mo hono fai ʻo e ngaahi ngāue leleí hili ʻa e papitaisó

Filimone

  • Kia Filimone, ko ha papi ului ʻi Kolose (ko ha kolo ʻi Toake ʻo onopōní)

  • Naʻe fai ʻa e tohí mei Loma ʻo fakafuofua ki he AD 60–62 nai

  • Taumuʻá: Ke tokoniʻi ʻa Filimone ke ne fakamolemoleʻi ʻene pōpula hola ko ʻOnesimosí, ʻa ia kuó ne kau ki he Siasí

  • Ngaahi akonaki mahuʻingá: Fakahoko ʻa e fakamolemolé mo maʻu ʻa e uouangatahá ko ha kāinga ʻi he ongoongoleleí

Hepelū

  • Ki he kāingalotu Siu ʻo e Siasí ʻi Selusalemá

  • Mahalo pē naʻe fai ʻa e tohí mei Loma ʻo fakafuofua ki he AD 60–62 nai

  • Taumuʻá: Ke poupouʻi ʻa e kau Kalisitiane Siú ke nau tuʻu maʻu ʻi heʻenau tuí ʻo ʻikai ke toe foki ki he fono ʻa Mōsesé

  • Ngaahi akonaki mahuʻingá: Ko e natula mo e misiona ʻo Sīsū Kalaisí, ko e Lakanga Taulaʻeiki Faka-Melekisētekí, falala kia Kalaisí, mo ha malanga ʻi he tuí