“Te Tau Lava Nai ʻo Ngāueʻi Hotau Fakamoʻuí?,” Liahona, ʻOkatopa 2023.
Haʻu, ʻo Muimui ʻIate Au
Te Tau Lava Nai ʻo Ngāueʻi Hotau Fakamoʻuí?
ʻAʻeva mo Kalaisi, tā ʻa Trent Gudmundsen
Naʻe fakahā ʻe Paula ki he kau Kalisitiane kimuʻá ke nau “ngāue ke lavaʻi hoʻomou [fakamoʻui] ʻamoutolú ʻi he manavahē mo e tetetete” (Filipai 2:12). Naʻe fehuʻi ʻe Palesiteni Tāleni H. ʻOakesi, ko e Tokoni ʻUluaki ʻi he Kau Palesitenisī ʻUluakí, “ʻE lava nai ke ʻuhinga ʻa e [veesi] ko iá ʻe hoko ʻa e fakakātoa ʻo ʻetau māʻoniʻoní ke ne ikunaʻi maʻatautolu ʻa e fakamoʻuí mo e hakeakiʻí?” Naʻá ne fakamatalaʻi ʻo pehē, “Ka ʻi he ʻosi kotoa ʻetau talangofuá mo e ngaahi ngāue leleí, he ʻikai lava ke fakahaofi kitautolu mei he nunuʻa ʻo ʻetau ngaahi angahalá taʻekau ai ʻa e ʻaloʻofa ʻoku ʻomi ʻe he fakalelei ʻa Sīsū Kalaisí” (“What Think Ye of Christ?,” Ensign, Nōvema 1988, 67).
ʻOku akoʻi mai ʻe he folofolá mo e kau palōfitá kuo pau ke tau falala ki he ʻaloʻofa ʻa Sīsū Kalaisí pea fakahoko mo tauhi ʻa e ngaahi fuakava mo e Tamai Hēvaní kae lava ke tau maʻu ʻa e moʻui taʻengatá. Fakakaukau ki he ngaahi akonaki fakaepalōfita ko ʻení ʻi hoʻo ako ʻa e Filipai 2:12–13: