Haapotoraa aamu

19 no tiurai 1876

Fanauhia i Roto Miti, Utaha, ia Julina Lambson Smith e o Joseph F. Smith.

19 no tiurai 1884

Bapetizohia e ua haamauhia e to’na metua tane. Ua farii i ta’na iho Buka a Moromona matamua i te rima o to’na metua tane.

6 no eperera 1893

Ua haere atu i te haamo‘araa o te hiero no Roto Miti.

1896

Ua farii i te Autahu‘araa a Melehizedeka e te oro‘a hiero.

26 no eperera 1898

Ua faaipoipo ia Louie Emily Shurtliff i roto i te hiero no Roto Miti.

Me 1899 e tae atu i te ava‘e tiurai 1901

Ua faataahia ia tavini ei misionare rave tamau i Peretane.

1901 e tae atu i te matahiti 1910

Ua tavini i roto e rave rahi mau piiraa a te Ekalesia, oia ho‘i ei peresideni i roto i te hoê pŭpŭ autahu‘araa, ei melo no te faatereraa rahi o te Taatiraa no te Haamaitairaa i te Feia Apî Tamaroa, ei melo apooraa teitei, e ei melo no te hoê tomite rahi na te Ekalesia tei faataahia no te faaineine i te mau materia no te paruru i te Ekalesia.

Atopa 1901

Ua haamata i te rave i te ohipa i roto i te piha faatere a te Tiaau aamu o te Ekalesia.

1902

Ua nene‘i i te hoê buka iti aamu utuafare tei parauhia Asael Smith of Topsfield, Massachusetts, tei roto te tahi mau aamu o te utuafare Smith.Teie te matamua o ta’na mau haaparareraa rau, oia’toa e 25 buka e e rave rahi mau papa‘iraa no te mau ve‘a a te Ekalesia.

8 no eperera 1906

Paturuhia i roto i te amuiraa rahi ei tauturu Tiaau aamu no te Ekalesia, ti‘araa tei mauhia e a‘na e tae roa’tu i te ava‘e mati 1921.

30 no mati 1908

Ua pohe o Louie Shurtliff Smith na roto i te hoê ma‘i tei tupu i ni‘a ia’na i muri a‘e i te toru o to’na hapuraa.

2 no novema 1908

Ua faaipoipo ia Ethel Georgina Reynolds i roto i te hiero no Roto Miti.

7 no eperera 1910

Faatoro‘ahia na to’na metua tane ei Aposetolo.

Atopa 1918

Ua papa‘i i te hoê heheuraa no ni‘a i te faaoraraa i te feia pohe mai tei parauhia e to’na metua tane, oia ho‘i te Peresideni o te Ekalesia i taua taime ra. E itehia teie heheuraa i teie nei i roto i Te Parau Haapiiraa e te Mau Parau Fafau 138.

6 no tenuare 1919

Ua piihia ei tauturu i roto i te peresideniraa o te hiero no Roto Miti, ti‘araa tei mauhia e a‘na e tae roa’tu i te matahiti 1935.

17 no mati 1921

Ua piihia ei Tiaau aamu no te Ekalesia, ti‘araa tei mauhia e a‘na e tae roa’tu i te matahiti 1970.

1934

Ua piihia ei peresideni no te Sotaiete Tuatapaparaa Tupuna no Utah, ti‘araa tei mauhia e a‘na e tae roa’tu i te matahiti 1961.

26 no atete 1937

Ua pohe o Ethel Reynolds Smith i muri a‘e i te hoê ma‘i maoro e maha matahiti.

12 no eperera 1938

Ua faaipoipo ia Jessie Ella Evans i roto i te hiero no Roto Miti.

Me e tae atu i te ava‘e novema 1939

Ua reva e rave i te hoê ohipa taa ê i Europa e o Jessie, ma te ratere atu na Peretane, Ekotia, Holane, Belegika, Farani, fenua Helevetia, Italia, Suede, Norovetia, Danemaka, Tchékoslovaquie, Auteria e Heremani. Ua arata‘i i te faaho‘iraa o te mau misionare marite atoa mai Europa mai, i muri a‘e i te tupuraa o te Tama‘i Rahi II o te ao nei.

8 no tiunu 1945

Ua piihia ia tavini ei peresideni no te hiero no Roto Miti, ti‘araa tei mauhia e a‘na e tae roa’tu i te matahiti 1949.

6 no atopa 1950

Faataahia ei peresideni mono no te Pŭpŭ no te Tino Ahuru Ma Piti Aposetolo

9 no eperera 1951

Ua paturuhia ei peresideni no te Pŭpŭ no te Tino Ahuru Ma Piti Aposetolo.

Tiurai e tae atu i te ava‘e atete 1955

Ua reva e rave i te hoê ohipa taa ê i Asia, ua apeehia’tu e Jessie. Ua haamo‘a ia Guam, Korea, Okinawa, e te mau fenua Philippino no te pororaa i te evanelia.

Setepa 1958

Ua haere atu i te haamo‘araa o te hiero no Lonedona i Peretane.

Atopa 1960 e tae atu i te ava‘e tenuare 1961

Ua tere haere e farerei i te feia faatere o te Ekalesia e i te mau misionare i Amerika Ropu e Apatoa, ma te apeehia’tu e Jessie.

Me 1963

Ua faatere i te oro‘a tuuraa ofa‘i tihi o te hiero no Oakland i Kalifonia.

Setepa 1963

Ua haamo‘a i te Ofa‘i haamana‘oraa i te mau pionie i Kansas City, Missouri, e te vahi haamana‘oraa i te fare tape‘araa no Liberty i Liberty, Missouri.

29 no atopa 1965

Ua piihia ia tavini ei tauturu i roto i te Peresideniraa Matamua i raro a‘e i te arata‘iraa a te peresideni David O. McKay.

18 no tenuare 1970

Ua riro ei aposetolo matahiapo e ei peresideni faatere no te Ekalesia i te poheraa o te peresideni David O. McKay.

23 no tenuare 1970

Ua faataahia ei Peresideni no te Ekalesia a Iesu Mesia i te Feia Mo‘a i te Mau Mahana Hopea Nei.

6 no eperera 1970

Ua paturuhia ei Peresideni no te Ekalesia i roto i te amuiraa rahi.

3 no atete 1971

Ua pohe o Jessie Evans Smith.

27–29 no atete 1971

Ua peresideni i te amuiraa area matamua a te Ekalesia, tei faatupuhia i Manchester, Peretane.

18 no tenuare 1972

Ua pûpû i te pure haamo‘araa o te hiero no Ogden Utah.

9 no fepuare 1972

Ua peresideni i te haamo‘araa o te hiero no Provo Utah. Ua papa‘i i te pure haamo‘araa, e ua faaue i te peresideni Harold B. Lee ia pûpû i te pure.

2 no tiurai 1972

Ua pohe oia i Roto Miti, Utah, e 17 mahana hou te 96raa o to’na mahana fanauraa.