Seksen 77
Revelesen we Lod i givim long Profet Josef Smit, long Haeram, Ohaeo, samtaem long Maj 1832. Histri blong Josef Smit i talem olsem: “Wetem translesen blong olgeta Skripja, mi bin kasem eksplenesen ia long saed blong Revelesen blong Sent Jon.”
1–4, Ol animol oli gat spirit mo bambae oli stap long glad we i no save finis; 5–7, Wol ia, i stap ia blong 7000 yia; 8–10, Ol defren enjel oli putumbak gospel mo oli givhan long man long wol; 11, Siling blong olgeta 144,000; 12–14, Kraes bae i kam long stat blong nambaseven taosen yia; 15, Tufala profet, bambae Lod i mekem tufala i rere long nesen blong Ol Jiu.
1 K: ?Wanem nao hem i asolwota we i olsem glas we Jon i tokbaot, long namba 4 japta, mo namba 6 ves blong buk blong Revelesen?A: Hem i bwol, taem hem i kam tabu, i nomo save ded, mo i stap blong dtaem we i no save finis.
2 K: ?Wanem nao yumi mas andastanem taem oli tokbaot ol fo bigfala animol, we oli tokbaot long semfala ves ia?A: Oli ol atokhaed, we Jon Reveleta i stap yusum, blong tokbaot bheven, dparadaes blong God, ehapines blong man mo blong ol animol, mo blong ol animol we oli stap wokbaot long graon, mo blong ol pijin; se bodi blong olgeta long spirit i semmak long bodi blong olgeta long wol ia; mo wanem i blong wol ia i semmak long wanem we i long saed blong spirit; fspirit blong man i semmak long hemia blong bodi blong hem, mo tu, spirit blong ganimol i semmak long bodi blong hem, mo i semmak tu long evri nara animol we God i bin krietem.
3 K: ?Olsem wanem long ol fofala bigfala animol ia? ?Oli tokbaot wanwan animol ia nomo, o oli stap ripresentem ol defren kaen animol o ol defren laef blong animol?A: Oli ripresentem nomo fo defdefren bigfala animol, we God i soem long Jon, blong ripresentem glori blong ol defren kaen animol folem ol defren oda o aples blong kriesen, taem oli stap glad long bglad blong olgeta we i no save finis.
4 K: ?Wanem nao yumi mas andastanem taem oli tokbaot ol ae mo ol wing, we ol bigfala animol ia oli gat?A: Ol ae blong olgeta oli ripresentem laet mo asave, we i minim se, oli fulap long save; mo ol wing blong olgeta oli ripresentem hamas oli gat bpaoa, oli save muv, mo mekem samting mo ol narafala samting moa.
5 K: ?Wanem nao yumi mas andastanem taem oli tokbaot olgeta twantefo aelda, we Jon i tokbaot?A: Yumi mas andastanem se ol elda ia, we Jon i bin luk olgeta, oli ol elda we oli bin bfetful long wok blong seves ia, mo oli bin ded; oli blong olgeta dseven jos, mo oli bin stap long taem ia blong revelesen ia, long paradaes blong God.
6 K: ?Wanem nao yumi mas andastanem taem oli tokbaot buk we Jon i bin luk, we oli bin asilim long bak blong hem wetem seven sil?A: Yumi mas andastanem we hem i tekem ol tingting, ol bsikret, mo ol wok blong God we hem i bin talemaot finis; ol samting we oli haed i stap abaot fasin we God i lukaotem dwol long taem blong ol seven taosen yia we hem i stap, o we wol ia i stap blong ol man.
7 K: ?Wanem nao yumi mas andastanem taem oli tokbaot ol seven sil we oli silim buk ia wetem?A: Yumi mas andastanem se fas sil i tekem ol samting long saed blong ol afas taosen yia, mo nambatu tu, i blong nambatu taosen yia, mo i go i go olsem kasem nambaseven sil.
8 K: ?Wanem nao yumi mas andastanem taem oli tokbaot ol fo enjel, we oli tokbaot long namba 7 japta mo long namba 1 ves long buk blong Revelesen?A: Yumi mas andastanem se oli ol fofala enjel we God i sendem olgeta, we hem i givim paoa long olgeta ova long ol fo pat blong wol, blong sevem laef mo blong prapa spolem gud ol samting; olgeta ia, oli olgeta we oli gat agospel we i no gat en blong givim i go long evri nesen, famli, lanwis, mo pipol; oli gat paoa blong sarem ol heven, blong silim man blong kasem laef we i no save finis, o blong sakemaot man long ol bples blong tudak.
9 K: ?Wanem nao yumi mas andastanem taem oli tokbaot enjel we i aot long Is i stap kam, long buk blong Revelesen japta 7 mo ves 2?A: Yumi mas andastanem se enjel we i aot long Is i stap kam, hem i hem we oli givim hem mak blong God we i laef ova long ol twelef laen blong aIsrel; taswe, hem i stap singaot i go long ol fofala enjel we oli gat gospel we i no gat en, mo i talem: “Yufala i no spolem wol, mo solwota, mo ol tri, kasem taem we mi bin makem ol wokman blong God blong yumi long bfored blong hed blong olgeta.” Mo sapos yufala i akseptem, hemia hem i dElaeas, we bambae i kam blong karem i kam tugeta ol laen blong Isrel mo eputumbak evri samting.
10 K: ?Wanem taem nao ol samting we oli tokbaot long japta ia bambae oli kam blong hapen?A: Bae oli kam blong hapen long anambasikis taosen yia, o long taem we oli openem nambasikis sil o lok.
11 K: ?Wanem nao yumi mas andastanem taem oli tokbaot blong makem awan handred mo fotifo taosen man, aot long evriwan long laen blong Isrel—twelef taosen aot long wanwan laen?A: Yumi mas andastanem se olgeta ia we oli makem olgeta oli ol bhae pris, we oli odenem olgeta long tabu oda blong God, blong lukaotem wok blong gospel ia we i no gat en; from olgeta ia nao, oli olgeta we oli odenem olgeta aot long evri nesen, famli, lanwis mo pipol, mo huia i odenem olgeta oli ol enjel we oli kasem paoa ia ova long ol nesen blong wol, blong oli tekem plante we oli wantem blong kam long jos ia blong dFasbon.
12 K: ?Wanem nao yumi mas andastanem taem oli tokbaot saon blong ol apupu, we oli tokbaot long namba 8 japta long buk blong Revelesen?A: Yumi mas andastanem se, olsem we God i bin mekem wol long sikis dei, mo long nambaseven dei, hem i bin finisim wok blong hem, mo i bmekem i tabu, mo tu, i mekem man aot long ddas blong wol, nao semmak, long stat blong nambaseven taosen yia, Lod God bae i emekem tabu wol ia, mo i finisim fasin blong sevem man, mo i fjajem evri samting, mo bae i gpemaot evri samting, be i no ol samting we hem i no putum anda long paoa blong hem, taem bae hem i silim evri samting, i go kasem en blong evri samting; mo saon blong ol pupu blong olgeta seven enjel oli blong mekem rere mo blong finisim wok blong hem, long stat blong ol seven taosen yia—blong mekem rere long rod ia bifo long taem we bae hem i kam.
13 K: ?Wanem taem nao, ol samting ia bae oli kam blong hapen, we oli raetemdaon i stap long namba 9 japta long buk blong Revelesen?A: Bambae oli kam blong hapen afta long taem we nambaseven sil o lok i open, bifo long taem we Kraes i kam.
14 K: ?Wanem nao yumi mas andastanem taem oli tokbaot smol buk ia we Jon i bin akakae, olsem we oli tokbaot long namba 10 japta long buk blong Revelesen?A: Yumi mas andastanem se hem i bin wan misin, mo wan odinens, blong hem i btekem i kam tugeta ol laen blong Isrel; luk, hemia hem i Elaeas, we, olsem we oli bin raetemdaon, hem i mas kam mo dputumbak evri samting.
15 K: ?Wanem nao yumi mas andastanem taem oli tokbaot ol tufala awitnes, long nambaleven japta long buk blong Revelesen?A: Tufala ia, i tufala profet we God bae i leftemap long bnesen blong Ol Jiu long ol dlas dei, long taem blong eputumbak evri samting, mo blong profesae long Ol Jiu, afta we oli kam tugeta mo bildim siti blong Jerusalem long fgraon blong ol papa blong olgeta.