Yexus Khetos: Tus uas Tu Peb Sab Ntsuj Plig
Thaum peb hloov siab lees txim tiag tiag, ces peb thiaj cia Yexus txoj kev theej txhoj los pab peb lub neej.
Kuv cov kwv tij thiab cov muam, hnub Easter zoo nkauj no kuv zoo siab thaum kuv nco txog qhov tseem ceeb tshaj, qhov zoo kawg nkaus tshaj, qhov uas suav tsis txheeb hauv tag nrho tib neeg zaj keeb kwm—uas yog peb tus Tswv, Yexus Khetos txoj kev theej txhoj. Tus yaj saub Yaxayas cov lus zoo qhia seb qhov no tseem ceeb npaum li cas thaum nws qhia txog tus Cawm Seej txoj kev pab tag nrho Vajtswv cov me nyuam hais tias:
“Twb yog nws ris peb tej kev nyuaj siab, thiab nqa peb tej kev tu siab mus; tiam sis peb tseem xav tias nws raug mob, Vajtswv rau txim rau nws, thiab nws raug kev txom nyem.
“Tiam sis nws raug mob rau peb tej kev ua txhaum, nws doog ntshav rau peb tej kev ua phem; qhov uas nws raug txim yog kom peb tau nyob kaj siab lug; thiab nws tej tawv nqaij siav yog kho kom peb zoo.”1
Thaum Nws zoo siab hlo los ris noob neej tej kev txhaum, thaum neeg uas phem ntsia Nws saum tus ntoo khaub lig, thiab kov yeej kev tuag hnub thib peb ntawd,2 Yexus thiaj ua rau txoj Kev Cai Hla Dhau haj yam muaj qab hau dua qhov uas haiv neeg Ixayees thaum ub tau ua.3 Kom ua tau raws li cov lus qhia tej uas yuav los, Nws muab Nws tus kheej ua txoj kev txi tseem ceeb thiab qhov kawg,4 tsam no ua tej cim ntawm tus Tswv txoj Kev Cai Hla Dhau.5 Thaum ua li no, Yexus raug kev txom nyem ntawm sab cev nqaij daim tawv thiab sab ntsuj plig heev uas tib neeg yeej to taub tsis txog. Tus Cawm Seej kiag tau hais tias:
“Vim saib seb, Kuv, Vajtswv, tau raug tej yam no rau tag nrho sawv daws, …
“Txoj kev raug txom nyem uas tau ua rau kuv, uas twb yog Vajtswv, tus zoo tshaj plaws ntawm tag nrho sawv daws, kom tshee hnyo vim yog txoj kev mob, thiab los ntshav ntawm txhua lub qhov hws, thiab raug txom nyem tag nrho sab cev nqaij daim tawv thiab sab ntsuj plig—thiab tau ua kom kuv tsis xav haus lub khob dej iab, thiab tsum—
“Txawm li ntawd los, cia Leej Txiv tau lub yeeb koob, thiab kuv tau haus thiab ua tiav kuv tej kev npaj rau noob neej.”6
Yexus tau ua raws li Leej Txiv lub siab nyiam7 thaum Nws muaj kev hlub tshua ua kev txi zoo tag nrho. Nws tau kov yeej kev tuag ntawm sab cev nqaij daim tawv thiab sab ntsuj plig tib si,8 uas yog kev tuag hauv ntiaj teb no vim muaj txoj Kev Poob,9 peb sawv daws thiaj muaj cib fim txais kev cawm dim tas mus ib txhis.10
Yexus yog tib tug neeg uas muaj cuab kav ua kev txi zoo tag nrho uas kav mus txhis no rau peb txhua leej txhia tus.11 Nws twb raug xaiv cia thiab teem tseg ua li no hauv Pawg Sab Laj saum Ntuj Ceeb Tsheej, ua ntej tsim ntuj tsim teb raug.12 Furthermore, being born of a mortal mother, He inherited the physical death, but from God, as the Only Begotten Son of the Father, He inherited the power to lay down His own life and then to take it up again.13 Tsis tas li no xwb, Yexus tau ua ib lub neej zoo tag nrho tsis muaj ib qho txhaum, yog li ntawd yog neeg dawb huv, nws thiaj tsis raug txoj kev txim lij tej kev tsub txim rau.14 On some occasions the Prophet Joseph Smith taught:
“Salvation could not come to the world without the mediation of Jesus Christ.
“God … prepared a sacrifice in the gift of His own Son, who should be sent in due time to … open a door through which man might enter into the Lord’s presence.”15
Tus Cawm Seej txoj kev txi no yeej tshem txoj kev tuag ntawm sab cev nqaij daim tawv,16 Nws tsis tau tshem peb txoj kev lav ris kom hloov siab lees txim ntawm peb tej kev txhaum.17 Rather, He extended to us a loving invitation to be reconciled to our Eternal Father. Dhau ntawm Yexus Khetos thiab Nws txoj kev theej txhoj, peb yuav hloov peb lub siab thiab lub hlwb, yuav muaj tej kev xav tshiab, hais txog Vajtswv thiab rau lub neej no.18 Thaum twg peb hloov siab lees txim tiag tiag thiab tig peb lub siab mus rau Vajtswv thiab Nws cov lus txib, peb yuav txais tau Nws txoj kev zam txim thiab yuav haj yam hnov tau Nws tus Ntsuj Plig Dawb Huv tej kev tshoov siab. Zoo siab kawg vim, peb yuav tsis raug tej kev txom nyem uas tus Cawm Seej tau raug lawm.19
The gift of repentance is an expression of God’s kindness toward His children, and it is a demonstration of His incomparable power to help us overcome the sins we commit. Yog puav pheej qhia tias peb Leej Txiv uas hlub peb ua siab ntev thiab zam tau peb tej kev qaug zog thiab tej kev txhaum. Thawj Tswj Hwm Russell M. Nelson, peb tus yaj saub, qhia tias lub txiaj ntsim no yog “tus yuam sij rau kev zoo siab thiab kev thaj yeeb nyab xeeb.”20
Kuv cov me phooj ywg, kuv hais lus tim khawv tias thaum peb hloov siab lees txim tiag tiag,21 ces peb thiaj cia Yexus txoj kev theej txhoj los pab peb lub neej.22 Thaum uas peb dim tej saw hlau uas khi peb vim peb ua txhaum, nrhiav kev zoo siab hauv lub neej no, thiab ua neeg tsim nyog tau kev cawm seej tas mus ib txhis, uas twb npaj tseg rau peb txij thaum chiv keeb los rau txhua tus neeg uas ntseeg Yexus Khetos thiab los cuag Nws.23
Ntxiv rau lub txiaj ntsim no, tus Cawm Seej muab tau kev dim pa thiab kev nplij siab rau peb thaum uas peb tab tom sim kov yeej peb tej kev txom nyem, kev haub ntxias, thiab tej kev qaug zog hauv lub neej uas txawj ploj txawj tuag no, qhov no kuj hais txog tej kev xwm txheej uas peb tau raug tsis ntev tas los no thaum muaj tus phaum mob no. Kuv qhia rau nej paub tias Yexus yeej paub txog peb tej teeb meem hauv lub neej no. Nws to taub txog peb tej kev nyuaj siab, kev txom nyem, thiab kev mob uas peb hnov, nov kuj hais txog ntawm sab paj hlwb thiab sab ntsuj plig uas peb raug thiab. Tus Cawm Seej muaj kev hlub tshua puv npo, thiab Nws yeej nyob ntawd tos yuav tu peb. Muaj tau li no vim Nws yeej raug txhua nrho no thiab Nws tau ris txhua yam kev mob vim yog peb tej kev qaug zog thiab kev txhaum thaum Nws ua neej nyob.24
Nrog rau kev txo hwj chim thiab ua siab mos siab muag, Nws nqi los tiv txhua yam thiab tib neeg ntxub, tsis kam tos txais, thiab ua phem rau Nws, es tau raug mob vim yog peb tej kev txhaum thiab tej yam tsis zoo uas peb ua. Nws raug txhua yam no rau peb sawv daws, Nws tau ris tag nrho lub ntiaj teb no tej kev txog kev txhaum,25 es thiaj tau rais los mus ua tus uas txawj tu peb sab ntsuj plig.
Thaum peb txav mus nyob ze Nws, cia Nws los tu peb sab ntsuj plig, peb yuav muaj cuab kav los ris Nws tus quab, uas yooj yim kwv, thiab Nws lub nra, uas yuav sib, peb thiaj yuav muaj kev thaj yeeb thiab tau chaw so. Tsis tas li ntawd xwb, peb yuav tau dag zog uas yuav pab peb kov yeej peb tej kev cov nyom, kev qaug zog, thiab kev tu siab hauv lub neej no, uas nyuaj nyiaj mus dhau yog peb tsis tau Nws txoj kev pab thiab lub hwj chim los pab kho.26 Cov vaj lug kub qhia peb tias “cia li muab nej tej kev nyuaj siab tso rau tus Tswv, nws yuav tsom kwm nej.”27 “Thiab thaum ntawd thov Vajtswv pub rau [peb] kom [peb] tej nra yuav sib, los ntawm txoj kev xyiv fab txog [Nws] Leej Tub.”28
Thaum yuav xaus xyoo tas los no, kuv hnov txog ib khub niam txiv, Mario thiab Regina Emerick, uas tau tso lub neej no tseg, nkawd yeej rau siab ntseeg tus Tswv thiab ib tug tuag ces plaub hnub tom qab nws lwm tus tuag thiab, yeej yog vim nkawd muaj tus kab mob COVID-19.
Nkawd ib tug tub, uas tab tom ua ib tug npisov hauv Brazil teb, qhia kuv li no hais tias: “Nyuaj kawg nkaus thaum kuv pom kuv niam txiv tso lub neej no tseg zoo li no, tiam sis kuv tseem hnov tau Tswv txhais tes los pab kuv lub neej txawm muaj kev nyuaj siab ntau, vim kuv tau dag zog thiab kev thaj yeeb nyab xeeb uas kuv tsis to taub tag nrho. Vim kuv ntseeg Yexus Khetos thiab Nws txoj Kev Theej Txhoj, kuv tau lub ntuj txoj kev pab ntxiv dag ntxiv zog thiab nplij kuv tsev neeg thiab tag nrho txhua tus uas pab peb thaum lub sij hawm nyuaj no. Txawm tsis muaj qhov txuj ci uas sawv daws xav tau los, kuv ua tim khawv hais tias kuv tau pom tej txuj ci tseem ceeb ntau ntxiv hauv kuv lub neej thiab hauv cov neeg hauv peb tsev neeg thiab. Kuv txawm muaj kev kaj siab lug thiab kuv lub siab nyob tu tu, kuv muaj chaw cia siab thiab paub txog tus Cawm Seej txoj kev hlub kuv thiab hauv Vajtswv txoj kev cawm seej Nws kuj hlub Nws cov me nyuam thiab. Kuv kawm hais tias thaum muaj tej hnub nyuaj siab kawg, tus Cawm Seej yeej ncav tes los pab peb thaum twg peb thov Nws kawg siab kawg ntsws, kawg dag kawg zog thiab tso siab plhuav rau nws.”
Kuv cov kwv tij thiab cov muam, thaum Hnub Caiv Easter no, kuv hais lus tim khawv tias Yexus tau sawv hauv qhov tuag rov qab los thiab tias Nws tseem muaj sia nyob. Kuv hais lus pov thawj tias dhau ntawm Nws thiab Nws txoj Kev Theej Txhoj, tus Cawm Seej pab peb kov yeej kev tuag, nov hais txog ntawm sab cev nqaij daim tawv thiab sab ntsuj plig tib si. Ntxiv rau cov koob hmoov zoo kawg no, Nws kuj yuav nplij peb siab thiab txhawb pab peb thaum twg peb nyuaj siab. Kuv qhia tseeb rau nej paub tias thaum peb tso siab rau Yexus Khetos thiab Nws txoj kev theej txhoj, rau siab ntseeg mus txog hnub kawg, peb yuav tau peb Leej Txiv Saum Ntuj Ceeb Tsheej tej koob hmoov uas cog lus tseg lawm, tus uas ua txhua yam tsav uas Nws muaj hwj chim ua los pab peb rov mus nrog Nws nyob dua yav tom ntej. Nov yog Nws txoj hauj lwm thiab Nws lub yeeb koob!29 Kuv hais lus tim khawv rau nej tias Yexus yog tus Khetos, tus Txhiv Dim rau tag nrho lub ntiaj teb, tus Mexiyas uas cog lus hais tias yuav los, nws yog txoj Kev Sawv Rov Los thiab yog Txoj Sia.30 Kuv hais tej lus tseeb no rau nej hauv Nws lub npe dawb huv, tus uas yog Leej Txiv Tib Leeg Tub, peb tus Tswv, Yexus Khetos, amees.