Kamatoakiia Mataniwi ni Kabuta n te Kateibai, Itingaun n te Aono, ao Aobitia ni Kabuta

Tariu ao mwaaneu, n aron ae katanoataaki, N na wareka nakoimi ngkai araia Mataniwi ni Kabuta, Itingaun n Aono, ao Aobitia ni Kabuta n te Ekaretia ibukin ami kamatoa.

Taiaoka kaota ami rinerine n te kawai are kam taneiai iai n taabo nako ake kam mena iai. Ngkana iai naake a kaitara nakon te kaoti ake a uotakirake, ti bubuti bwa kam reitaki ma ami titeiki beretitenti.

E tabekakirake bwa ti na kamatoa Russell Marion Nelson bwa te burabeti, te tia mamata, ao te tia karekei kaotioti ao te Beretitenti n ana Ekaretia Iesu Kristo ibukiia Aika Itiaki ni Boong aika Kaitira; Dallin Harris Oaks bwa te Moan Kauntira n te Moan Beretitentii; ao Henry Bennion Eyring bwa te Kauoman ni Kauntira n te Moan Beretitentii.

Naake a kariaia a kona ni kaotia.

Ake a kaitara, ngkana iai, kam kona ni kaotia.

E tabekakirake bwa ti na kamatoa Dallin H. Oaks bwa te Beretitenti n te Kooram n Abotoro n te Tengaun ma Uoman ao M. Russell Ballard bwa te Bonomwi ni Beretitenti n te Kooram n Abotoro n te Tengaun ma Uoman.

Naake a kariaia, taiaoka kaotia ni baimi.

Naake a totokoia a kona ni kaotia ni baia.

E tabekakirake bwa ti na kamatoaia bwa kaain te Kooram n Abotoro n te Tengaun ma Uoman: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit Walter Gong, ao Ulisses Soares.

Naake a boutokaia, taiaoka kaotia.

Iai ane totokoia kaotia naba.

E tabekakirake bwa ti na kamatoaia kauntira n te Moan Beretitentii ao te Kooram n Abotoro n Tengaun ma Uoman bwa burabeti, taan mamata, ao taan kaotioti.

Ni kabane ake a boutokaia, taiaoka kaotia.

Kaaitarana, ngkana iai, kaotia n te kanikina.

Ti a tia ni kamotirawaia Unimwaane J. Devn Cornish, Timothy J. Dyches, David F. Evans, Robert C. Gay, James B. Martino, ao Terence M. Vinson bwa Mataniwi ni Kabuta n te Itingaun ao n riki ngkai bwa itingaun aika a motirawa.

Naake a kan kaota aia kakaitau nakoia Taari aikai ibukin aia nanomwaaka ni beku a kona ni kaotia ni katean baia.

Ti taekinna bwa Unimwaane Dean M. Davies, are e motirawa man te maiu aei n Aokati 31, 2021, e a tia ni kamotirawaki ngkai bwa te Mataniwi ni Kabuta n te Itingaun n te maungatabu aei. Ti anga ara taeka n rainanoanga nakon Titita Darla Davies ao nakon te utu ao ara kakaitau ibukin ana mwakuri ae teimatoa.

Ti taekinna naba ma te kakaitau, kaain te Itingaun n te Aono are a tia a ni kakoroi bukin tabeia n te ririki ae nako.

Ni kabane ake a kan raoniira ni kaotan ara kakaitau nakoia taari aikai ibukin aia beku ae moan te tamaroa, taiaoka kaotia.

E tabekakirake bwa ti na kamatoaia nikiraia Mataniwi ni Kabuta, Itingaun n te Aono—n ikotaki ma uoman Itingaun n te Aono aika a boou are e katanoataaki mai imwaaina n te wiiki aei n te newsroom.ChurchofJesusChrist.org—ao Aobitia ni Kabuta n aron teina ae ngkai.

Ni kabane ake a boutokaia, taiaoka kaotia.

Naake a totokoia, ngkana iai.

Kam rabwa ibukin teimatoan ami onimaki ao ami tataro ibukiia taan kairiiri n te Ekaretia.