Kakorakoraan Rairakira nakon Iesu Kristo
Booki aika tabu ao ara atatai iaon te Atua bon bwaintangira—bwaintangira aika a reke iroura ma ti aki bati ni iangoi. Ti na kamoamoi taian kakabwaia aikai.
Ko bati n rabwa, Unimwaane Nielson, ibukin am rongorongo ae tamaroa. Ti kainnnanoa anne.
Tariu ao mwaneu, Beretitenti Russell M Nelson e a tia n reireiniira, “Karaoan te bwai ae e na tamaroa e tangira te mwakuri korakorai. Te riki bwa ana reirei Iesu Kristo ni koaua bon ti tearona. Karikrakean am onimaki ao kakoaua Irouna e kainanoa te mwakuri korakora.” Ibuakon baike e anganiira ni karikirakea ara onimaki iroun Iesu Kristo bon arora ni kan reiakinaki, bwa ti na kabanei nanora nakon booki aika tabu bwa ti aonga n oota raoi n ana mition Kristo ao ana mwakuri. (Taraa,”E a Uti Kristo; A Na Mwaing Maunga Man te Onimaki Irouna,” Riaona,, Meei 2021, 103.)
Ti reiakinna n Ana Boki Moomon bwa koroboki aika tabu a bon kakawaki inanon maiuia ana utu Riaai—ngai are Nibwaai ao tarina a oki nako Ierutarem ni karekei bwaatua aika buraati (taraa 1 Nibwaai 3–4).
Koroboki aika tabu a kaota ana kantaninga te Atua ibukira, n aekan are e karaoia te Riaona ibukin Nibwaai ao tamana. Imwin uruakin ana kainikatebe, Nibwaai e kan ataa te tabo ike e na nako iai ibukin karekean kanaia. Ana karo, ae Riaai, e taraa te Riaona ao e noora te bwai are koreaki. E nooria Nibwaai bwa kainikoto ake inanona a mwakuri ni kaineti ma te onimaki, te nanomatoa, ao n ongo ni baike anganaki. E noori naba koroboki aika a kona ni warekaki ao are anganiia te ataibwai ni kaineti ma ana kawai te Uea E a ataia bwa te Uea e karaoi bwaai aika korakora man bwaai aika uarereke E ongeaba nakon kaetietii ake a tia ni kaotaki iaon te Riaona. E nako aon te maunga ao ni karekea kanaia ana utu, aika a tia n rangi ni kainano man akean kanaia. (Taraa 1 Nibwaai 16:23–31.)
Irou taraana bwa Nibwaai bon ataein te reirei ae ae bane nanona nakon koroboki aika tabu. Ti warekia bwa Nibwaai e kimareirei ni booki aika tabu, e iangoia raoi i nanona, ao e korei ibukin reiakinaia ao kabwaiaia natina (taraa 2 Nibwaai 4 15-16).
E taku Beretitenti Russell M. Nelson:
“Ngkana ti ‘waaki nako, ni kanuaira n ana taeka Kristo, ao n teimatoa ni karokoa te toki … [ti] na karekea te maiu are akea tokina’ [2 Nibbwaai 31:20].
“N amwarake e nano riki nakon katoonga. N amwarake e nanonaki nakon norakin kakangina. Ti katongii koroboki aika tabu man kamatebwaiana inanon kukurein te tamnei n kunei ao ni kakaonimaki n ongotaeka. Ngkana ti kanuaira n ana taeka Kristo, a koreaki ‘inanon baaba aika iriko inanomi’ [2 I-Korinto 3:3]. A riki bwa mwakoron kateira aika a kakawaki” (“Living by Scriptural Guidance,” Riaona, Tianuare 2001, 21).
Tera Tabeua bwaai are Ti na Karaoi Ngkana a Kukurei Nanora ni Koroboki aika Tabu?
Nanora n riki bwa taan ikotiia Iteraera i aon iteran te rabuna aika uoua e na rikirake. E na riki bwa ti na taneiai ao bwa anuara ni kaira ara utu ao raraora bwa a na reireiaki irouia mitinare. Ti na tau, ao e na reke iroura te beeba ni kariaiakaki n tembora bwa ti aonga n nakon te tembora n reken taina ae mwaiti, Ti na mwakuria kakaean, katauraoan, ao kanakoi araia ara bakatibu nakon te tembora. Ti na kakaonimaki ni kawakina te bong ae te Tabati, irakin te taromauri n katoa te Tabati ni kaboui ara berita ma te Uea ngkai ti roko n tau ni kanaa te toa. Ti na kamatoaia n nene iaon kawain te berita, ni maiuakin taeka ni kabane are a otinako mai wiin te Atua (taraa Reirei ao Berita aika Tabu 84:44).
Tera ae Nanonaki Iroum ni Kukurei n Ana Bwai te Uea?
Te kukurei ni koroboki aika tabu e moa riki nakon bwaruakin ao te taka ibukin te ataibwai. Nibwaai e rinanon te kimwareirei ae korakorai inanon maiuna. Engae n anne, e kaitara naba ma kangaanga ao nanokawaki (taraa 2 Nephi 4:12–13). “Engae n anne,” e taku, “I ataa ae I onimakinna” (2 Nephi 4:19). Ngkana ti kamatebwai koroboki aika tabu, ti na ataa riki ana mwakuri ni kamaiu te Atua ao te karietataaki, ao ti na onimakini taian berita are E a tia ni karaoi nakoira inanon booki aika tabu, ao ai arona naba inanon aia berita ao aia kakabwaia burabeti n taai aikai.
Te bwakantaai teuana, ngai ma kaain abau ti kaoaki nakon mweengaia raoraora. Natiia te mwane ae ai itiua ana ririki, David e tuai man ongo rongorongon te Baibara ibukin Tawita ao Koria ao e tangiria ni kan ongora. Ngke I moana te karaki, e rangi n ringaki nanona n aron ana onimaki Tawita, ao n aran Atuaia Iteraera, e kaikoaka ao n tiringa te I-Biritia n te bana ao te atiibu, ao n akea te kabang i baina (taraa 1 Tamuera 17).
E taraai ma matana aika bubura ao mataroro, e kamatoa ana titiraki nakoiu “Antai te Atua?” I kabwarabwara nakoina bwa te Atua bon Tamara are i Karawa ao ti reiakina taekana inanon koroboki aika tabu.
Ngkanne e a titirakinai,“Baikara korobokia aika tabu?” I tuangnga bwa booki aika tabu bon Ana taeka te Atua ao inanoia e kona ni kunei karaki aika a rangi n tamaroa are a na buokia n ataa riki te Atua. I butia tinana bwa e na kamanena te Baibara are iai irouia ni mweengaia ao bwa e na aki kamatua moa David ma e na wareka moa te karaki ae bwanin nakoina. E rangi ni kukurei ngke e kakauongo nako iai. Booki aika tabu ao ara atatai iaon te Atua bon bwaintangira—bwaintangira aika a reke iroura ma ti aki bati ni iangoi. Ti na kamoamoi taian kakabwaia aikai.
Ngke te ataeinimwane ngai I karaoa au mwakuri ni mitinare, I ataia bwa ara anga reirei man koroboki aika tabu, a bitii maiuia aomata aika mwaiti. I ataa te mwaaka inanoia ao aroia bwa ana kanga ni bitii maiura. Aomata n tatabeman are ti reireiniia te euangkerio ae kaokaki a bon onoti aroia ma kakaokoron te bwai are a kainanoia. Koroboki aika tabu—eng, taian taetae ni burabeti ake a koreaki irouia burabeti aika tabu—a uotaki nakon te onimaki iroun te Uea ao te rairanano ao ni bitii maiuia.
Booki aika tabu e kaon nanoia n te kimwareirei ngkai a karekea te kairaki mai ieta, kaetieti, raunnano, korakora, ao kaeka nakon kainanoia. A mwaiti irouia are a motinanoia bwa a na bitaki ni maiuia ao ni moanna ni kawakin ana tua te Atua.
E kaungai nanora Nibwaai ni kakukureira n ana taeka Kristo, ibukin ana taeka Kristo a na tuangko bwaai aika ko riai ni karaoi (taraa 2 Nibwaai 32:3).
I kaoingkami ni karekea ami baire ae matoa ni kamatebwai koroboki aika tabu. Nakomai Iriirai bon te bwai n ibuobuoki ae korakora are ti na karekea ibukin angareirei ao reiakinan te euangkerio, kakorakoraan rairakira nakon Iesu Kristo, ao ni buokiira n riki n Arona. Ngkana ti kamatebwaia te euangkerio, tiaki ukoukori rongorongo aika a boou; nakon, ae ti na ukoukori n riki bwa te “aomata ae tibwa karikaki nabangkai” (2 I-Korinto 5:17).
E kairiira te Tamnei ae Raoiroi nakon te koaua ao ni kaota koauan te koaua anne (taraa Ioane 16:13). E kaotai ara iango ao kabooui ara atatai ao n riing nanora rinanon ana kaotioti te Atua. moan waakin taian koaua ni kabane. Te Tamnei ae Raoiroi e kaitiaki nanora. E karin kaungaakin nanora n tangiran maiuakinan te koaua ao E wirikiriki nakoira kawai ni karaoan aei. “Te Tamnei ae Raoiroi e na reireingkami bwaai ni kabane” (Ioane 14:26).
Taekinan taeka are E kaotia nakon te Burabeti Iotebwa Timiti,ara Tia Kamaiu e taku:
Taeka aikai tiaki mai irouia aomata ke mai iroun te aomata, ma bon mai irou; …
“Bon bwanaau are e taekini taeka aikai nakoimi; bwa kam anganaki au taeka ma iroun Tamneiu …;
“Mangaia are, kam kona ni kakoaua bwa kam a tia n ongo bwanaau” ao n atai au taeka “(Reirei ao Berita aika Tabu18:34–36).
Ti riai ni ukoukora ana iraorao te Tamnei are Raoiroi. Te kouru aei e riai n tautaekana ara babaire ao ni kairi ara iango ao ara mwakuri. Ti na riai ni ukoukori bwaai ake a kaoa ana kakairi te Tamnei are Raoiroi ao n totokoi bwaai ake ana tannako man te kakairi aio.
I Kakoaua bwa Iesu Kristo bon Natin Tamara are i Karawa ae tangiria. I tangira au Tia Kamaiu. I rang kukurei ibukin Ana Boki aika tabu ao ibukiia Ana burabeti ae maiu. Beretitenti Nelson bon Ana burabeti. N aran Iesu Kristo, amen.