Hugmyndir að fjölskyldukvöldi

Hugmyndir þessar er hægt að nota til kennslu í kirkju sem og á heimilinu.

„Sakramentið og fórnin,“ bls. 10: Látið alla í fjölskyldunni loka augunum. Biðjið þau að sjá fyrir sér er þau skírðust, tóku sakramentið og sögusvið úr lífi lausnarans. Hvað er líkt með þessum atburðum? Þegar þið hafið greint frá því sem öldungur David B. Haight lærði þegar hann var meðvitundarlaus, biðjið þá fjölskylduna að útskýra hvað líkt sé með sakramentinu og fórn Krists. Bendið á hvernig hægt er að minnast lausnarans meðan tekið er á móti sakramentinu.

„Þríþættur boðskapur fyrir unga einhleypa,“ bls. 26: Látið fjölskylduna teikna mynd af lífi sínu að tuttugu árum liðnum. Biðjið þau að útskýra og síðan ræða hverju þau vonast til að hafa áorkað. Lesið leiðsögn öldungs Earl C. Tingey til að hjálpa þeim að ráðgera eigin hamingju.

„Frelsi til að dansa,“ bls. 32: Biðjið fjölskylduna að skrifa hjá sér einhver markmið sem þau vilja ná. Biðjið þau að miðla hugmyndum um hvernig þau geti gert sér grein fyrir eigin löngunum. Lesið og ræðið það sem Mavi er að gera til að ná markmiði sínu. Leggið áherslu á að rétt viðhorf og breytni séu mikilvæg til að markmið okkar náist.

„Gáttir himins,“ bls. 40: Biðjið fjölskylduna að ná í hluti sem hafa tilfinningalegt gildi og greina frá því hvers vegna hún metur þá svo mikils. Segið söguna um konurnar fjórar á Indlandi. Á hvaða hátt er tíund mikils virði fyrir Drottin? Greinið frá frásögninni um vígslu kapellunnar á Indlandi. Hvernig naut fólkið blessunar af því að greiða tíund? Tilgreinið og ræðið loforðin sem öldungur H. Bryan Richards gaf trúföstum tíundargreiðendum.

„Áhrif móður,“ bls. B14: Sýnið mynd af fjölskyldu. Ræðið á hvaða hátt móðir liðsinnir sérhverjum í fjölskyldunni. Greinið frá því hvernig móðir öldungs Carlos H. Amado hvatti hann til að láta skírast og þjóna í trúboði. Látið alla í fjölskyldunni búa til þakkarkort fyrir móður sína fyrir áhrif hennar á þau.