Mi wantem talem tangkyu from Liahona long laef blong mi. Mi mo famle blong mi i yusum Liahona long ol lesen blong famle haos naet mo blong helpem ol investigeta oli lanem moa abaot Jos. Speseli, Liahona i helpem mi blong kam antap gud. Truaot long magasin ia mi gat wan strong filing blong mekem moa gud, mo mi mekem ol gol folem ol tijing we oli stap long magasin ia. Mi lavem gospel blong Jisas Kraes we i kambak mo janis we gospel ia i givim long yumi blong kam antap gud evri dei.

Liahona i wan bigfala blesing, mo mi glad plante taem mi ridim. Samtaem mi givim wan Liahona olsem presen long ol nara pipol blong oli save gat wan eksperiens long saed blong spirit taem oli ridim. Mi laekem tumas toktok we i kam long Presiden Tomas S. Monson long Epril 2008 long pej blong ol pikinini we oli kolem “Tri Brij.” Evri samting we hem i talem long yumi i impoten long yumi blong filim pis long saed blong spirit mo laef long wan laef folem ol komanmen blong Lod. Liahona i gud tumas blong ridim long saed blong spirit.