I kam long Bondi Rescue i go long Baguio Rescue

Blek MaKeon, we oli save gud long hem olsem “ruki” i wan laefgad blong televisen so blong Ostrelia we oli singaotem Bondi Rescue, i lego wok blong hem long sanbij long Mei blong wok long wan nara wei blong sevem man. Hem i bin akseptem wan misin kol blong sev long Bagio, Filipin. Hem i bin serem nius ia mo ol filing blong hem wetem ol fren blong hem long wok mo ol man we oli stap wajem so ia.

“Taem mi faenemaot se bae mi go long Filipin, mi glad tumas,” hem i talem. “Bae mi misim sanbij tru, be blong go long wan misin hem i impoten long mi. Hem i wan samting we mi bin wok had from ful laef blong mi.”

Blek i se, “I no gat eni nara samting we bae mi wantem mekem blong ol las tu yia we i pas bitim we blong wok long sanbij—hem i wan wok we i moa gud bitim ol nara wok long wol—be blong ol nekis tu yia i no gat eni narafala samting we mi wantem mekem i moa gud bitim blong sevem wan misin. Jos blong Jisas Kraes blong ol Lata-dei Sent hem i no jes wan relijin we yu save talem se yu yu pat long hem; hem i wan relijin we yu mas laef long hem. Hem i laef blong mi. Bae mi kam wan defren man olgeta sapos hem i no from Jos.”