Jisas Kraes Hem I Sevya blong Mi

Karemaot pej F5, mo skojem long strong hevi pepa. Katemaot ol hol long tri long ol waet laen, mo katemaot frut. Blong wanwan frut, faenem skripja, talemaot blesing we Papa long Heven i bin givim long yumi, mo raetemaot blesing ia long laen ia. Pusum smol pepa blong frut long hol long tri.

1. Long laef bifo laef long wol ia, mi bin jusum blong folem Jisas Kraes. Askem ol pikinini blong talem sam long ol joes we oli bin mekem long dei ia (wanem blong werem, wanem blong kakae, mo sam moa). Raetem ol ansa long blakbod. Eksplenem se Papa long Heven i bin givim long yumi fridom blong jus, paoa blong mekem ol joes. Tij abaot Kaonsel long Heven, taem Papa long Heven i bin soemaot plan blong Hem. Eksplenem se fridom blong jusum blong yumi hem i wan impoten pat blong plan ia. Helpem ol pikinini blong andastanem se Setan i wantem blong jenisim plan mo karemaot paoa blong yumi blong mekem joes. Jisas Kraes i wantem blong folem plan blong Papa long Heven mo Hemwan i bin jusum blong kam Sevya blong yumi. Talemaot gud long ol pikinini se oli bin jusum blong folem Jisas Kraes (luk long Primary 6, lesen 2). Raetem ol kwestin blong helpem ol pikinini blong luklukbak long wanem oli bin lanem. Putum ol kwestin long wan kontena. Jusum wan pikinini blong pikimap wan kwestin aot long kontena mo ansarem. Afta mekem pikinini ia i jusum wan nara pikinini blong pikimap wan kwestin mo ansarem. Gohed blong mekem olsem sapos i gat taem. Serem testemoni from wanem hem i impoten blong gohed blong folem Jisas Kraes.

2. Mi mo famle blong mi bae i laef bakegen long ded. Bifo taem mo wetem raet blong bisop o branj presiden, invaetem wan memba we i bin eksperiensem ded blong wan we oli lavem tumas blong serem testemoni long wanem Laef Bakegen long Ded i minim long hem. Putum ol Gospel Art Kit pikja long wan hip long oda ia wetem 227 antap: 227 (Jisas I Stap Prea long Getsemane), 228 (Taem Oli Salem Jisas), 230 (Taem Oli Krusifaem Jisas), 231 (Ples We Oli Berem Jisas), 233 (Meri mo Lod We I Bin Laef Bakegen long Ded), 234 (Jisas I Soemaot Ol Mak blong Soa), and 316 (Jisas I Stap Tij long Wes Pat long Wol). Taem oli stap plei piano, mekem ol pikinini i pasem raon wan smol ston. Talem long olgeta se ston ia i ripresentem ston ia we oli bin blokem hol we oli bin berem Jisas long hem. Taem miusik i stop, mekem pikinini we i stap holem ston ia blong tekem pikja we i stap antap long hip blong ol pikja ia mo tokbaot pikja ia o i jusum wan nara pikinini blong helpem hem. Mekem olsem ia long evri pikja, stop smol taem long pikja 234 blong ridimaot Luk 24:39 tugeta. Helpem ol pikinini blong andastanem se Jisas i bin laef bakegen long ded, ol Aposol oli bin filim ol han blong Hem olsem we ol pikinini oli save filim ol han blong olgetawan. Mekem olsem ia blong ol narafala pikja we i stap. Tijim se from Atonmen blong Jisas Kraes, evriwan we oli i bin laef i stap long wol ia bae oli laef bakegen. Mekem man we yu bin invaetem i serem testemoni blong hem.