Jos long Hangari

Long 1887, wan man Miska Mako blong Hangari i bin konvet kolosap long Konstantinopol (Istanbul), Teki. Long 1899 hem i bin sev olsem wan misinari long ples blong hem, be oli bin arestem hem mo ronemaot hem long Hangari from ol prijing blong hem. Hem i traem blong serem gospel long ol kantri kolosap long olgeta, be afta hem i bin gat sam hadtaem longwe, Elda Mako mo kompanion blong hem i bin prij long Temesva, Hangari, kasem taem gavman i fosem tufala blong kamaot. Long dei bifo bae tufala i go, tufala i bin baptaesem mo konfemem 12 pipol mo jusumaot ol lida blong wan kongregesen blong 31 memba.

Bifo long Wol Wo I, wan totol blong 106 pipol oli bin joenem Jos long Hangari. From ol loa long saed blong politik i bin had lelebet long taem ia, hemia i bin stopem misinari wok kasem ol yia 1980.

Long Jun 1988, Hangari, folem loa, i bin givim raet we oli luksave Jos. Wan yia afta, Presiden Tomas S. Monson i bin dediketem fas mitinghaos long kantri ia. Hangari Budapest Misin i bin stat long Jun 1990.

Hemia sam trutok abaot Jos long Hangari tedei: