Ol Kwestin mo Ansa abaot Oganaesesen blong Jos

Jisas i talem se oli singaotem Jos folem nem blong Hem from hem i Jos blong Hem (luk long 3 Nifae 27:8). Hem i bin oganaesem blong helpem yumi blong gobak long Papa long Heven. Jisas Kraes i hed blong Jos.

Jisas i talem se Jos blong Hem long ol las dei bae oli singaotem Jos blong Jisas Kraes blong Ol Lata-dei Sent (luk long D&C 115:4).

“Ol Sent” i minim ol memba blong Jos blong Kraes. Ol skripja i tokbaot ol Sent long plante defren taem.

Ol taem blong OlTesteman: Dutronome 33:3; Ol Sam 30:4

Ol taem blong NiuTesteman: Fas Korin 1:2

Ol taem blong Buk blong Momon: 1 Nifae 14:14; Moronae 8:26

Ol taem blong Josef Smit: Doctrine and Covenants 57:1; 84:2

Tedei, oli singaotem tu ol memba blong Jos, ol Sent.

Jisas i bin oganaesem Jos blong Hem taem Hem i bin laef long wol, taem Hem i bin visitim graon blong Amerika, mo taem Hem i bin putumbak Jos tru long Profet Josef Smit. Oltaem Hem i jusum olgeta Twelef Aposol o disaepol blong helpem Hem blong bildim kingdom blong God long wol taem oli stap tijim gospel (luk long Mak 16:14–15; 3 Nifae 12:1).

Jisas i singaotem tu wan profet blong lidim Jos. Presiden blong Jos hem i profet. Jisas i bin singaotem Josef Smit olsem fas profet long ol lata dei. Tomas S. Monson hem i namba sikstin (16) Presiden blong Jos. Profet hem i wan man ia nomo we i save kasem revelesen blong ful Jos.

Pikja

Prophet Joseph Smith

Pikja

President Thomas S. Monson

Evri Jos lida oli helpem Jisas taem oli sevem ol narafala memba blong Jos.

Profet i givim daereksen long olgeta Twelef Aposol.

Ol Aposol oli givim daereksen long Ol Kworom blong olgeta Seventi.

Ol Kworom blong olgeta Seventi oli helpem ol Aposol blong tijim ol presiden blong stek mo distrik.

Ol stek mo distrik presiden oli helpem ol bisop mo ol branj presiden.

Long ol wod mo branj, ol bisop mo branj presiden oli givim daereksen long ol presiden blong Rilif Sosaeti, ol Yang Man mo ol Yang Woman, ol Praemeri presiden, Sandei Skul presiden, ol hom mo visiting tija mo ol narafala lida.

Ol lida mo tija long ol wod mo branj oli givim seves long yumi evriwan.

Yu helpem Jisas taem yu kipim ol komanmen blong Hem. Yu helpem Hem taem yu folem profet. Yu helpem Hem taem yu lanem abaot Hem taem yu go long jos mo ridim ol skripja. Yu helpem Hem taem yu jusum raet. Taem yu mekem ol samting ia, yu stap rere blong kam wan fiuja lida insaed long Jos blong Hem we i Jos blong Jisas Kraes blong Ol Lata-dei Sent.