Stap Lanem Samting long Profet Josef

Wan long ol gudfala famle haos naet blong mifala hem i blong aktem stori blong Josef Smit mo Fas Visen. Mi talem stori; mo ol smosmol apu blong mi oli aktemaot, oli tekem ol pat blong ol prija mo Josef Smit. Mi droem sam tri long pepa blong i ripresentem bus mo skojem olgeta long wol long kona blong rum, mo mekem sam saen we i se “Prija” blong ol prija, mo mekem wan jea mo wan Baebol blong “Josef” blong stadi long hem.

Wan long ol prija i talem long Josef, “Jos blong mi hem i raet wan. Josef, yu joenem jos blong mi,.” Mo Josef i ansabak, “Mi no save,” o, “Mi nidim blong tingting long hem fastaem.” Afta we evri prija oli toktok long hem, Josef i sidaon long jea mo ridimaot Jemes 1:5 laod. Afta hem i go long “bus” mo nildaon blong prea. I no gat wan i aktemaot ol pat blong Papa long Heven o Jisas Kraes, mo mifala evriwan i revren taem “Josef” i go long bus blong prea. Wanwan pikinini i gat wan janis blong kam wan prija mo Josef.

Afta, mifala i tokbaot wanem Josef Smit i bin lanem long Fas Visen, olsem wanem yumi kasem ol ansa long ol prea blong yumi iven we yumi no luk ol visen, mo olsem wanem ol skripja oli gaedem yumi.