Mekem Pis wetem Ol Enemi blong Hem

Wan dei taem Profet i stap visitim hom blong papa mo mama blong hem long Fa Wes, wan grup blong ol man blong ami oli bin brekem doa long haos blong olgeta.

Wijwan long yufala hem i Jo Smit?

Mifala i kam long ples ia blong kilim hem!

Kwiktaem nomo, Josef i stanap mo kam long fored, i smael long ol man ia, mo i sekhan long olgeta.

Mi ia nao Josef. I naes blong mitim yufala. Plis, kam mo sidaon.

Ol man ia oli no save bilivim mo oli stap lukluk nomo Profet taem hem i stap gohed blong toktok.

Mifala ol Momon, mifala i biliv long Jisas Kraes mo mifala i wantem pis nomo. Be mifala i bin gat plante hadtaem long ol las manis ia stat long taem we mifala i bin muv i go long Misuri. Mi, mi save se, i no gat wan long mifala i bin brekem wan loa. Be sapos mifala i bin brekem loa, mifala i rere blong fesem loa.

Mama, mi biliv se mi mas go hom nao. Ema bae i stap wet long mi.

Be yu no go yuwan, hem i no sef.

Bae mifala i go wetem yu mo bodigad long yu.

Tangkyu.

Mifala i promes blong ronemaot grup blong ol ami man ia mo go hom.

Sapos yu nidim mifala, bae mifala i kambak mo mekem wanem yu nidim.

Aotsaed long hom blong papa mo mama blong Josef, ol narafala man we oli stap aotsaed ia oli stap tokbaot miting blong olgeta wetem Profet.

Yu no filim i defren taem hem i bin holem han blong yu? Mi neva filim olsem ia long laef blong mi.

Mi filim olsem we mi nomo save muv. Bae mi no save spolem man ia long eni wei iven sapos bae oli pem mi blong mekem.

Hemia las taem we bae we yu luk se mi kam blong kilim Josef Smit o ol Momon.