Sam Tingting blong Famle Haos Naet

Ol tingting blong tij ia oli save yusum long klas, mo tu, long hom. Yufala i save mekem ol tingting ia i stret gud long famle blong yu o klas.

“Atonmen I Minim Wanem long Yu?” p. 14: Invaetem ol famle memba blong serem evri samting we oli save abaot Nifae. Askem from wanem oli ting se Nifae i stap glad iven we hem i eksperiensem ol hadtaem (luk long 2 Nifae 5:27). Talem sot seksen ia “Stap Glad tru long Atonmen.” Toktok raon long olsem wanem Nifae i dil wetem ol problem blong hem mo olsem wanem famle blong yu i save yusum wei blong hem. Ridim tufala las tu paragraf blong stori ia blong endem.

“Fasin blong Lanem Samting mo Ol Lata-dei Sent,” p. 26: Ridim fastaem stori mo jusum ol paragraf we i gat bigfala mining long famle blong yu. Askem ol memba blong famle blong ridim ol paragraf we yu bin jusumaot mo toktok raon long wanem oli bin ridim. Ridim tufala las tu paragraf blong stori ia blong endem.

“Ol Promes blong Wan Profet,” p. F6: Afta we yu ridim stori ia, mekem ol memba blong famle oli openem ol skripja blong olgeta mo traem blong ridim wan ves we oli tanem. Toktok raon long olsem wanem taem yumi ridim skripja evri dei i save blesem wanwan memba blong famle. Ridim bakegen promes we Presiden Esra Taf Benson i bin givim (luk long stat blong stori ia), mo setemap wan gol blong gohed blong ridim ol skripja tugeta evri dei.

“Glad tumas blong Lanem Samting,” p. F12: Invaetem ol pikinini blong tekem ol janis blong aktem aot wan wok be oli no mas toktok, mo mekem ol narafalawan oli traem talemaot wanem oli stap traem blong aktem. Toktok raon wetem ol memba blong famle wanem oli nidim blong lanem blong oli save wok long wok ia. Ridim stori ia. Talemaot ol samting we Rasel i nidim blong save bifo hem i save lanem abaot ol daenaso. Ridim Doctrine and Covenants 88:118blong endem.