Ana Berita te Burabeti

N te tiburing n 1848, au tibumwamwanu aika, Charles Stewart Miller ao Mary McGowan Miller, a kitana mweengaia i Scotland ao a mwananga nako St. Louis, Missouri, ma tabeman kurubu Aika a Itiaki, aika a roko n 1849.

Ngke a maeka te utu i St. Louis ni mwakuri ni kareke mwane ibukin ae tau ni kabobonga mwanangaia nako Salt Lake Valley, te aoraki ae te korera e buta rinanon te tabo anne. Inanon te maan ae uoua te wiiki, aman mai ibuakoia te utu a bon rootaki. Ataei ake a maiu a tiku n akea aia karo, ni ikotaki ma tibutoru te unnaine Margaret, ngke 13 ana ririki nimaiu n te tai anne.

Nikiraia ana ataeei Miller aika ruaman a teimatoa ni mwakuri ao ni kawakin mwane ibukin te mwananga are aki kona ni kakoroaki nanona irouia aia karo ao mwaaneia. A kitana St. Louis n te tiburing n 1850 ma aman taian kao ao teuana aia waekon, are a roko n tokina i Salt Lake Valley n te ririki naba anne.

Tabeman mai ibuakoia au bakatibu a kaitara ma kanganga aika ti te arona. Ao rinanona ni kabane, mangai are, aia kakoaua a teimatoa ni matoatoa. Mai irouia ni kabane I a karekea te bwain tangira ae te mwakuri korakora nakon ana euangkerio Iesu Kristo.

Ma nanou ni koaua ao korakoran tamneiu, I katanoata bwa te Atua e bon maiu. Iesu bon Natina, Ana riki Temanna te Tama n te iriko. Boni ngaia te tia Kabooira; Boni ngaia te Tia Tei ibukira ma te Tama. E tangirira ma te tangira ae tiaki kona n ataia, ao ibukina bwaE tangirira, E anga maiuna ibukira. Au kakaitau Nakoina e a bon riao kabwarabwaraakina.

I berita ibukin maiu, korakorau ni beku Ibukina ao ni kaira waakin Ana Ekaretia are e kaineti ma Ana babaaire ao Ana kairi.