Antai Iesu?

1. “Taraiko! Kona bon reke iroun te allosaurus!”e bekorara Teddy ngke e kaea ana dinosaur Cole ni katobibia te kaintekateka ma ana allosaurus.

“Akea ae kona ni katokai. Boni ngai te tyrannosaurus rex,” e taku Cole, e katebetebea ana dinosaur iaon te oo.

2. A kabukibuki waeia ataeinimwaane rinanon te auti n aroia dinosaur aika a karongoa ao aika a baki ni karokoa are e a kaotinakoa te kabuki Tinara.

3. “Antai are e mena iaon am oo?” E titiraki Teddy, ngke e tabe ni kana kanana te cheese.

“Iesu, boni ngaia,” E taku Cole.

“Antai Iesu?” E titiraki Teddy.

E aki ataia Cole bwa tera ae e na taekinna. E taku n ana iango bwa aomata ni kabane a bane n ataa Iesu.

“E maeka i karawa. Ao E tangiria aomata ni kabane,” ana iango ae e kona ni kaeka.

“E tamaroa,” e taku Teddy. “Ko tangiria ni kan nako tinaniku?”

4. E katorobubua Cole irarikin ana kainiwene n te tairiki arei n tauraoi ni karaoa ana tataro ngke e a ti roko naba Tamana.

“E nako raoi am bong ma Teddy n te bong aei?” E titiraki Tamana.

Eng. Ti takakaro n te bwaokinibike ma ara tainatiooa. Tamau, e titirakinai Teddy bwa antai Iesu, ao Ngai I aki ataa te bwai ae N na tuangnga.”

5. Tamau e kotea te tamnei iaon te oo ietan ana kainiwene Cole. Bon tamnein Iesu ngke e katobibiaki irouia ataei. “Tera am iango ngke ko noora te korotamnei aei?” E titiraki Tamau.

6. “Iangoia bwa N na kanga ni maeka ma Iesu ao Tamara are i Karawa n te boong teuana. Ao e kanga aron Iesu ni kairiia ana aomata n te aro ae riai ngke E mena iaon te aba,” E taku Cole.

7. “E tara n ae ko kona n tuanga Teddy ibukin bwaai akana uoua akanne,” E taku Tamau.

“E mena ao tao Teddy e tangiria ni kan iri n taromauri ma ngai n te taina,” E taku Cole. “Ngkanne imwiina e a kona n reiakin bwaai aika a mwaiti ibukin Iesu. Ao e bon rangin kaunga naba.”

8. Tamau e kaboria ma Cole iaon taubukin atuna.

“Bon te teinimwaane ngkoe ae ko tamaroa, Cole. Tamara are i Karawa ao Iesu a bon kakatonga iroum. Ao Teddy e rangin tekeraoi ngkai ko reke bwa raoraona.”