Te Ogden Utah Tembora ae e a kaan 40 ana ririki e na waakinaki te onobwai iaon ae korakora n te maan ae 18- nakon 24- te namwakaina. Tein nanon te tembora e na bon tiku n arona, ma tinanikuna e na kaboouaki n atibu ao kiraati aika a boou. Te kateitei e na manga kateaki tamneina ni kaitara te kainibaire are e kantaningaaki n irekereke ma urubwain mwaingingin aonteaba, ni katea te rabakau ae boou, ni karinaki bwaai ni mwakuri aika a korakora man nakoraoi. Nnen te kaa n tei inano e na karinaki naba.

Ni ikotaki ma tabeua bitaki nakon te burokuraem n Rikirakem I bon Iroum, Karinean Taraan te Manibeeru e na Kateaki ao e tauraoi ngkai nakoia ataeinnaine ake a raka iaon are e kantaningaaki. Karekean te Tamaroa te ataeinnaine e na manga wareka ana Boki Moomon ao ni kabanea 40 riki te aoa ni mwakuri ni karekea te Kinaaki n Riki n Aine n ataeinaine Matarion. Iteran te mwakuri aei e na riai ni karina te ibuobuoki nakon te teinanaine temanna ni kabanea ana kouru n Rikirakem I bon Iroum. Te kaniwanga aei e uarereke e na kabonganaaki ma te mwae ao te matarion.

Ana Tabo ni Kawakin Rongorongo Rimoa te Ekaretia e a kauka te kamataku ae boou ae aranaki bwa “Mi Vida, Mi Historia: Rongorongon te Onimaki ao Ungananoia Aomata aika a itiaki mai Latin America,” ake e kaotii bwaai ake a rinanona n te maiu n tamnei 24 membwa. Tamneia e a katineaki ni kabutanako te kamataku, ao ni kaotaki tamneia are a kona ni matakuakinna taan neweabaia n noori aia namakin ao n rooti maiua. Te kamataku e kona n noraki iaon te rain n taetae n Spanish ao Ingiriki iaon lds.org/museum. Kiriki iaon Exhibits and Galleries, then on Current Exhibits.