Bukin tera ngkai te Ekaretia e rangi ni katuruturu iaon te mwakuri ni ibuobuoki? Bukin tera ngkai ti aki kona n tii kakukureira?

Ana euangkerio Iesu Kristo e katuruturui baika a rangin kakawaki iaon buokakiia ara aomata ni kabane. E bon aki tau te nanoanga ibukin temanna ae kainnano—bon katabeara bwa tina karaoa te mwakuri. “Ao kam na riki ba tan toua mwin ana taeka te Atua, ao tiaki ti tan ongo ni mamanaingkami” (Iakobo 1:22).

E reirei te Tia Kamaiu “Ao ane E na kaekaia te Uea ni kangai, E koaua ae I a tuangngkami ba ngke kam karaoi baikai nakon temanna ae moan te mangori i buakoia tariu aikai, ao kam karaoi naba nako Iu” (Mataio 25:40), ao e reirei te Uea Beniamina “bwa ngkana kam beku ibukiia raomi ao kam bon beku naba iroun Atuami” (Motiaea 2:17). Buokakiia tabeman e kaota ara mwakuri korakora nakon te Uea ao nakon marurungiia ao kukureia Natina.

Te Mwakuri ni Ibuobuoki e aki tii buokiia tabeman. E kona naba ni kairiira nakon karikirakean maiura n tamnei. Ngkana ti beku ibukin te nakoa ao ni karaoi mwakuri tabeua n ibuobuoki, tiaki ti kakorakoraia temwaangina ma ti bon riki ngaira bwa aomata aika a raoiroi.¹

Terana riki tamaroana, te mwakuri ni ibuobuoki e kona ni kakukurei ngkana ko kaotia ma te anua ae eeti. Iangoi am taarena ao rabakaum ao kona kanga ni kabonganai ni buokiia tabeman. Te ibuobuokin n onoti iai uaan karaokina ko kona naba n kukurei ni ibuobuoki ma raoraom! I kotiia aomata inanon te kurubu, ao iangoia raoi bwa kona kangaa ni beku n am anga ae e boou. Kona bon bae ni mimi bwa e kanga ni kakukurei te ibuobuoki anne.